Pekin ABŞ-ın Rusiyaya qarşı sanksiyalarına qəti şəkildə qarşı çıxdı və bu, onun Rusiya ilə ticarətinə təsir göstərə bilər. ABŞ Konqresi tərəfindən Rusiyaya qarşı qəbul edilən yeni sanksiyaların heç bir hüquqi əsası yoxdur və beynəlxalq hüquqa ziddir. Anadolu-nun məlumatına görə, bunu Çin Xarici İşlər Nazirliyinin sözçüsü Quo Cyakonq cümə axşamı, 17 sentyabrda bildirib.
O bildirib ki, "Çin ölkələrlə iqtisadi və ticarət əməkdaşlığını bərabərlik və qarşılıqlı fayda prinsipləri əsasında həyata keçirir".
Çin Xarici İşlər Nazirliyinin sözçüsünün sözlərinə görə, bu əməkdaşlıq "heç bir üçüncü tərəfə qarşı yönəlməyib və heç bir üçüncü tərəfin təzyiqi altında pozulmamalıdır".
Cyakonq vurğulayıb ki, "Çin beynəlxalq hüquqda heç bir əsası olmayan və BMT Təhlükəsizlik Şurası tərəfindən məcburi olmayan ekstraterritorial yurisdiksiyaya və birtərəfli sanksiyalara qarşıdır".
Çin Rusiyanın enerji ehtiyatlarının ən böyük alıcılarından biri olaraq qalır, buna görə də ABŞ sənədində nəzərdə tutulan tariflər Çinin ABŞ-a ixracına birbaşa təsir göstərə bilər.
Xatırladaq ki, 16 sentyabrda ABŞ Nümayəndələr Palatası Ukraynaya müdaxiləsi ilə bağlı Rusiyaya iqtisadi təzyiqi artırmağı hədəfləyən genişmiqyaslı sanksiyalar qanun layihəsini təsdiqlədi və sənədi imzalanması üçün Prezident Donald Trampa göndərdi.
Qanun layihəsi, digər məsələlərlə yanaşı, prezidentə Rusiya enerji ehtiyatlarını alan və ya Rusiyanın sanksiyalardan yayınmasına kömək edən ölkələrə 100%-ə qədər tarif tətbiq etmək səlahiyyəti verir.
Rusiya bəyan etdi ki, qanun layihəsinin qəbul edilməsi və əlavə ABŞ sanksiyalarının tətbiqi Ukraynadakı müharibənin sülh yolu ilə həlli axtarışını çətinləşdirəcək.
VƏLİ
Bütün xəbərlər Facebook səhifəmizdə
.jpg)
.jpg)
USD
EUR
GBP
RUB
