Braziliya hökuməti ABŞ-ın ölkənin bir sıra məhsullarına tətbiq etdiyi yeni 25 faizlik gömrük rüsumlarına cavab olaraq mümkün cavab tədbirlərinin hazırlanmasına başlayıb. Rəsmi Brasília Vaşinqtonun qərarını "əsassız və özbaşına" adlandıraraq milli maraqlarını bütün müvafiq beynəlxalq platformalarda müdafiə edəcəyini bəyan edib.
SİA-nın xarici mətbuata istinadən verdiyi xəbərə görə, hökumətin başlatdığı prosedur Braziliyanın "Qarşılıqlılıq Qanunu" çərçivəsində həyata keçirilir. Bu proses hələ yekun qərar demək deyil və ilk mərhələdə ABŞ-ın ticarət orqanları ilə əlavə diplomatik məsləhətləşmələri nəzərdə tutur.
Məlumata görə, Vaşinqton iyul ayında Braziliyadan idxal edilən şəkər, geyim, kağız və polad da daxil olmaqla bir sıra məhsullara 25 faizlik tarif tətbiq edib. Bundan əlavə, Braziliya da daxil olmaqla bir neçə ölkəyə məcburi əməyə qarşı tədbirlərin yetərsiz olduğu iddiası ilə əlavə 12,5 faizlik rüsum da qoyulub.
Braziliyanın nəzərdən keçirdiyi cavab tədbirləri yalnız tariflərlə məhdudlaşmır. Variantlar arasında ABŞ mallarına vergi və rüsumların tətbiqi, mövcud güzəştlərin ləğvi, bəzi idxal rüsumlarının dəyişdirilməsi, eləcə də Amerika məhsul və xidmətlərinin idxalına məhdudiyyət qoyulması yer alır. Reuters-in məlumatına görə, hökumət bəzi ABŞ əczaçılıq və kənd təsərrüfatı patentlərinin qüvvəsinin dayandırılması kimi addımları da qiymətləndirir.
ABŞ Ticarət Bürosunun məlumatına əsasən, 2026-cı ilin əvvəlindən indiyədək ABŞ Braziliyaya 26,5 milyard dollar dəyərində məhsul ixrac edib, Braziliyadan isə 17 milyard dollar həcmində məhsul idxal edib. Bu isə ABŞ-ın Braziliya ilə ticarətdə profisitə malik olduğunu göstərir.
Bütün xəbərlər Facebook səhifəmizdə
USD
EUR
GBP
RUB
