...Baş nazir Viktor Orbanın məğlubiyyəti Avropa üçün “dönüş nöqtəsi”nə çevrilib və Aİ-ni “sarsıda” bilər.
SİA-nın əldə etdiyi məlumata görə, bu barədə Türkiyənin “Haberturk” nəşri bildirib.
...KİV qeyd edir ki, “Rusiya prezidenti Putin və ABŞ prezidenti Trampın yaxın dostu olan Orban, xüsusən də Ukrayna ilə bağlı bir çox birgə qərarlara veto qoyması və “bəzi liderlərin sammitlərində müzakirə olunanlar barədə Putini məlumatlandırması” şübhələri səbəbindən Avropa Birliyi üçün mövcud təhlükəyə çevrilib.
...“Haberturk” yazır ki, Orbanın məğlubiyyətindən sonra Aİ “rahat nəfəs alır” və Avropa liderləri Macarıstan seçkilərinin nəticələrini illərlə davam edən münaqişədən sonra “fundamental dəyişikliyin başlanğıcı” kimi görürlər.
KİV həmçinin qeyd edir ki, Aİ administrasiyası hətta Orbanın vetosu səbəbindən bütün birliyin “fundamental strukturunu dəyişdirməyi” planlaşdırıb.
Lakin, Peter Madyarın müxalifətdəki “Tisza” partiyasının qələbəsindən sonra vəziyyət dəyişməyə başlaya bilər.
...Aprelin 12-də Macarıstanda keçirilən parlament seçkilərində Peter Madyarın müxalifətdəki “Tisza” partiyası qalib gəldi. Bülletenlərin 93,42 faizi sayılandan sonra parlamentdə 138 yer, “Fidesz” isə 54 yer qazanıb.
Viktor Orban nəticəni etiraf edib və Madyarı qələbəsi münasibətilə təbrik edib.
Avropa Komissiyasının prezidenti Ursula fon der Leyen Macarıstanın Avropa yoluna qayıtdığını bildirib.
Almaniya kansleri Fridrix Merts də Macarıstan müxalifətini seçkilərdəki qələbəsi münasibətilə təbrik etdi. Madyar ölkənin Avropa Birliyində və NATO-da tam üzvlüyünü bərpa edəcəyinə söz verib.
Əli Babayev
Bütün xəbərlər Facebook səhifəmizdə
USD
EUR
GBP
RUB
