...Əvvəla deyim ki, bu ilk deyil, yəni SİA bir müddət bundan əvvəl də Rusiyadakı yaşantılarla bağlı rus generalının fikirlərinin bölüşmüşdü.
Beləliklə, Rusiya general-polkovniki və tarix elmləri doktoru Leonid İvaşov “Republic”ə verdiyi müsahibədə Putini Ukraynaya qarşı müharibəyə başlatdığına görə yenidən tənqid edib.
...Bir alim, elmlər doktoru, on illərdir bu məsələni araşdıran bir alim kimi görürəm ki, bu gün Rusiya Sovet İttifaqı, Rusiya İmperiyası və Moskva Çarlığı ilə müqayisədə bəşəriyyətin hörmətini itirib. Bu, sadəcə olaraq utancverici, alçaldıcı və hətta qorxuludur. BMT Baş Assambleyasındakı 193 ölkədən yalnız səkkizi bizim mövqeyimizi dəstəklədikdə, 73-ü bitərəf qaldıqda, qalanları isə bizə qarşı olduqda, bu, olduqca qorxuludur...
...Bu gün Rusiyanın tərəfində heç bir güclü dövlət dayanmır. Bizim yeganə hərbi-siyasi müttəfiqimiz Belarusdur. “Xüsusi hərbi əməliyyat” BMT Nizamnaməsini pozaraq işə salındı. Akademiyada bizə öyrədildi ki, əgər yuxarıda səhv qərarlar qəbul edilərsə, aşağıda duran əsgərlər taktiki səviyyədə nə qədər döyüşsələr və ya müqavimət göstərsələr də, yuxarı komandanlığın qərarları yenə də aşağı rütbəli qoşunların, tabeliyindəki bölmələrin, alt bölmələrin və s. bütün səylərini alt-üst edir.
Təlimatçımız bizə həmişə bu nümunəni verirdi: tutaq ki, böyük bir çayı keçməliyik. Amma əgər yuxarıdan çayın üzərindən keçmək qərarı verilsə, nə qədər yaxşı üzsəniz və ya döyüşsəniz də, yenə də onu keçə bilməyəcəksiniz.
Burada da “xüsusi hərbi əməliyyat” ilə bağlı kökündən səhv bir qərar verildi. Və ilk növbədə, geosiyasi səviyyədə...
Mən çıxışımda bu barədə danışdım. Və buna görə də hətta Belarusdan belə hərbi dəstək ala bilmədik... Bir tərəfdən, ən yaxşı raketlərimiz var, məsələn, ABŞ-a bir neçə dəqiqəyə çatan Bulava, Poseidon sualtı qayıqları və s.
Amma digər tərəfdən, müharibəni döyüş meydanında başladıq, köhnəlmiş silahlarla, dəstlərdən tutmuş güllə keçirməyən jiletlərə qədər. Üstəlik, güllə keçirməyən jiletlərimiz köpük kauçukdan, plastikdən və s. hazırlanmışdı. Bəs nə oldu? “xüsusi hərbi əməliyyat”ın ilk günlərində mahiyyət etibarilə məğlub olduq.
...Deyim ki, general İvaşov sonda səmimi olaraq etiraf edib: “Biz axmaq olduq”.
Əli Babayev
Bütün xəbərlər Facebook səhifəmizdə
.jpg "Xamneyi Putinə sığınıb, yoxsa...")
USD
EUR
GBP
RUB