...Hollandiya Hərbi Dəniz Qüvvələrinin müşayiəti ilə Rusiyanın “Novorossiysk” dizel-elektrik sualtı qayığı Şimal dənizindən tranzit keçir. Daha əvvəl bildirilmişdi ki, sualtı qayıq Aralıq dənizində “yanacaq sisteminə ziyan vurub” və Cəbəllütariq yaxınlığındakı Britaniya patrul gəmilərinin müşahidəsi altında bölgəni tərk edib.
SİA-nın əldə etdiyi məlumata görə, bu barədə The Telegraph yazır.
Mütəxəssislər qeyd edirlər ki, bu vəziyyət dizel-elektrik sualtı qayıqlar üçün adi hal ola bilər. Akkumulyatorlar və dizel mühərrikləri ilə işləyən bu sualtı qayıqlar tez-tez səthdə qalırlar, çünki avtonom sualtı əməliyyat sürət və məsafə ilə məhdudlaşır.
Yedək gəmisinin müşayiəti də qeyri-adi deyil. Buna baxmayaraq, vəziyyət Suriyanın Tartus şəhərindəki bazasını itirdikdən sonra Rusiya donanmasının Aralıq dənizindəki məhdud imkanlarını vurğulayır.
Rusiya indi öz sualtı qayıqlarına tam xidmət göstərmək mümkün olmayan Liviya və Əlcəzairdə alternativ limanlardan istifadə etməyə məcburdur. Nəticədə, Rusiyanın Aralıq dənizində mövcudluğu tarixi minimum həddə çatıb, yalnız bir neçə suüstü gəmi və yardımçı gəmi qalıb.
Analitiklər dizel-elektrik sualtı qayıqların nüvə gəmiləri ilə müqayisədə zəif tərəflərini vurğulayırlar: onları uzun məsafələrdə izləmək asandır, dözümlülüyü və sürəti xüsusilə uzun səfərlərdə məhduddur.
İndi sual qalır ki, “Novorossiysk” təmirdən sonra Aralıq dənizinə qayıdacaq, yoxsa başqa sualtı qayıqla əvəzlənəcək. Ukraynadakı müharibə səbəbindən Tartusun itirilməsi və Bosfor boğazının bağlanması Rusiyanın bölgədə mövcudluğunu çətinləşdirir.
Müşahidəçilər həm də tələsik nəticə çıxarmaqdan çəkindirirlər: sualtı qayığın yanında yedək gəmisinin olması mütləq onun yedəyə götürülməsi demək deyil.
Hər halda, vəziyyət Rusiyanın sualtı donanmasını etibarlı dəstək olmadan dəstəkləməkdə çətinlik çəkdiyini göstərir.
Əli Babayev
Bütün xəbərlər Facebook səhifəmizdə
USD
EUR
GBP
RUB