...Birləşmiş Ştatlar təcavüzkar ölkə Rusiyaya xəbərdarlıq edib ki, Ukraynaya qarşı müharibənin nizamlanması istiqamətində hərəkət etməlidir, əks halda sanksiyalarla üzləşəcək.
SİA-nın məlumatına görə, “The Guardian” xəbər verir ki, bu xəbərdarlıq cümə günü BMT Təhlükəsizlik Şurasının fövqəladə iclası zamanı edilib.
İclas avqustun 28-nə keçən gecə Kiyevdə 20-dən çox insanın ölümünə səbəb olan kütləvi hücumdan sonra çağırılıb. Bildirilir ki, ABŞ missiyasının müşaviri Con Kelli zərbələrin “Rusiyanın sülhə dair ciddiliyini şübhə altına aldığını” deyib və Rusiyadan onları dayandırmağı tələb edib.
O, həmçinin bildirib ki, Vladimir Putin və Vladimir Zelenskinin görüşünə razılıq verməlidir.
Bundan əlavə, Kelli ABŞ prezidenti Donald Trampın müharibənin davam edəcəyi təqdirdə Amerikanın Rusiyaya qarşı yeni sanksiyalar tətbiq edə biləcəyi xəbərdarlığını təkrarlayıb.
“The Guardian” öz növbəsində qeyd edib ki, Putin dəfələrlə Trampın Ukraynaya qarşı müharibəni dayandırmaq çağırışlarına məhəl qoymayıb.
Eyni zamanda, Vaşinqton Moskvaya təzyiq göstərmək və onu hərbi əməliyyatları dayandırmağa məcbur etmək üçün heç bir real addım atmayıb.
Əli Babayev
Bütün xəbərlər Facebook səhifəmizdə
USD
EUR
GBP
RUB