Orlen dövlət enerji şirkəti Vloslavekdə ölkənin ilk kiçik modul atom elektrik stansiyasının (SMR) tikintisini elan edib. Bu layihə həm də Avropada ilk belə obyekt olacaq.
SİA-nın məlumatına görə, bu barədə Interesting Engineering yazır.
Reaktor ABŞ-da GE Vernova Hitachi Nuclear Energy tərəfindən hazırlanmış BWRX-300 modeli əsasında qurulacaq.
Orlenin sözlərinə görə, bu, dünyanın ən müasir kiçik modul reaktorlarından biridir.
…Avropada ilk BWRX-300 kiçik atom elektrik stansiyası Polşada tikiləcək. Biz sabahın enerjisini yaradırıq.
Bunu Orlen şirkətinin baş direktoru İreneuş Fafara bildirib.
Layihəni həyata keçirmək üçün Orlen Synthos Green Energy ilə müqavilə bağlayıb. Şirkətlər Orlen Synthos Green Energy (OSGE) müştərək müəssisəsi yaradacaq və burada hər biri səhmlərin 50 faizinə sahib olacaq.
OSGE Amerika BWRX-300 texnologiyasına, o cümlədən lisenziyalaşdırma və həyata keçirmək üçün standart dizayn paketinə tam giriş əldə etdi. Layihənin tikintisi və idarə edilməsi Orlenin nəzarəti altında xüsusi yaradılmış şirkət tərəfindən həyata keçiriləcək.
Qeyd edək ki, Polşa uzun müddətdir əsas enerji mənbəyi olan kömürdən tədricən imtina etməyi planlaşdırır. 2023-cü ildə hökumət Vłocławek də daxil olmaqla, ölkənin altı rayonunda 24 kiçik modul reaktorun tikintisini təsdiqləyib.
Əli Babayev
Bütün xəbərlər Facebook səhifəmizdə
USD
EUR
GBP
RUB