Avropalı diplomatlar Tehranın nüvə proqramı ilə bağlı danışıqlara yenidən başlamaq və 2015-ci ildə imzalanmış mühüm razılaşma əsasında dayandırılmış sanksiyaların bərpasının qarşısını almaq üçün çərşənbə axşamı Cenevrədə İranın nümayəndəsi ilə görüşür.
Müqavilə oktyabrın 18-də başa çatır və Avropa ölkələri danışıqlarda əhəmiyyətli irəliləyiş olmadığı təqdirdə sanksiyaları bərpa edəcəklərini bildiriblər.
SİA xəbər verir ki, bu barədə The New York Times məlumat yayıb.
Avropanın İrana qarşı üç tələbi var. Uran ehtiyatlarının vəziyyəti və zənginləşdirmə proqramı ilə bağlı real danışıqları bərpa etmək.
Silah səviyyəsinə yaxın səviyyələrdə 400 kiloqram uran haqqında hesabat təqdim etmək.
Beynəlxalq Atom Enerjisi Agentliyinin (MAQATE) müfəttişlərinə onun proqramlarına giriş imkanı vermək.
Birləşmiş Ştatlar əvvəllər sazişin tərəfi olub, lakin 2018-ci ildə geri çəkilib.
İyun ayında İsrail İran obyektlərinə zərbə endirdikdən sonra İran Vaşinqtonla birbaşa danışıqları dayandırıb.
Bu arada İranın ali dini lideri Əli Xamenei ABŞ ilə münaqişənin “qırılmaz” olduğunu və ölkənin “diz çökməyəcəyini” deyib.
İran ordusu İsrail və ya ABŞ-ın istənilən hücumunun nəticələri barədə xəbərdarlıq edib, Tehran rəsmiləri isə Avropanın sanksiyalar-bərpa mexanizmlərindən istifadə etmək hüququnu şübhə altına alıb.
Əli Babayev
Bütün xəbərlər Facebook səhifəmizdə
.jpg)
USD
EUR
GBP
RUB