...Çərşənbə günü Avropa İnsan Hüquqları Məhkəməsi (AİHM) Rusiyanı 2014-cü ildə Ukraynanın şərqi üzərində vurulan Malayziya Hava Yollarına məxsus MH17 reysi, habelə onun Ukraynadakı hərəkətləri ilə bağlı geniş yayılmış insan haqları pozuntularına görə məsuliyyət daşıyıb.
SİA-nın əldə etdiyi məlumata görə, bu barədə “The New York Times” yazır.
Qərar Ukrayna və Hollandiya tərəfindən qaldırılan məhkəmə iddialarından sonra çıxarılıb və separatçılara hərbi dəstəkdən tutmuş ukraynalı uşaqların zorla Rusiyaya aparılmasına qədər bir çox ittihamları əhatə edir.
Məhkəmə müəyyən edib ki, təyyarəni vuran "Buk" raketi ya Rusiya hərbçiləri, ya da Moskvanın tam nəzarətində olan rusiyayönlü separatçılar tərəfindən atılıb.
Xatırladaq ki, təyyarədə olan 298 nəfərin hamısı həlak olub, əksəriyyəti Hollandiya vətəndaşlarıdır.
Bundan əvvəl, 2022-ci ildə Hollandiya məhkəməsi artıq Rusiyanın günahını müəyyən etmişdi, 2025-ci ilin mayında isə BMT-nin Beynəlxalq Aviasiya Komitəsi analoji nəticəyə gəlib.
Bundan əlavə, AİHM müəyyən edib ki, Rusiya 2014-cü ildən bəri işğal olunmuş ərazilərdə insan hüquqlarının “geniş və açıq şəkildə” pozulmasına, o cümlədən məhkəmədənkənar qətllər, işgəncələr, zorlamalar, talanlar və bəzi hallarda Rusiyada övladlığa götürülməyə verilmiş ukraynalı uşaqların qanunsuz çıxarılmasına görə məsuliyyət daşıyır.
Kremlin sözçüsü Dmitri Peskov məhkəmənin qərarının legitimliyini rədd edərək bildirib ki, Rusiya onu tanımır və onu həyata keçirmək planları yoxdur. Rusiya 2022-ci ildə Avropa Şurasından çıxarılsa da, AİHM-in qərarı onun beynəlxalq təcridini vurğulayır və Avropadan hüquqi təzyiqləri artırır.
Əli Babayev
Bütün xəbərlər Facebook səhifəmizdə
USD
EUR
GBP
RUB
