...Sentyabrda səkkiz OPEC+ ölkəsi hasilatın növbəti dəfə sutkada 550 min barel artırılmasına razılaşacaq, bundan sonra bu proses dayandırılacaq.
SİA-xəbər verir ki, bu barədə “Reuters” öz mənbələrinə istinadən məlumat yayıb.
Qrup daha əvvəl avqust ayında gündəlik 548,000 barel (bpd) artımını təsdiqləmişdi ki, bu da əvvəlki üç artımdan çoxdur. Sentyabr ayında hasilatın artması ümumi artımı 2,17 milyon barrelə çatdıracaq.
BƏƏ-nin kvotasını 300 min barel artırmasını nəzərə alsaq, dünya bazarında əlavə neftin ümumi həcmi sutkada 2,47 milyon barel təşkil edəcək ki, bu da qlobal tələbatın 2,5 faizindən bir qədər azdır.
Beləliklə, Səudiyyə Ərəbistanı gündə təxminən 10 milyon barel, BƏƏ isə 3,375 milyon barel hasil edəcək.
Eyni zamanda, OPEC+ hazırda sutkada cəmi 3,66 milyon barel hasilatın azaldılmasına davam edir ki, bunun da 1,66 milyonu könüllü, iki milyonu isə saziş üzvlərinin öhdəlikləridir.
Əvvəllər məlum olub ki, noyabra qədər Maliyyə Nazirliyi və İqtisadi İnkişaf Nazirliyi neft-qaz şirkətləri üçün güzəştli vergi rejimlərinin təmin edilməsi imkanlarını işləməlidir. Mütəxəssislər qeyd edirlər ki, təzyiqlər yumşalmasa və sektorun istehsala sərmayə qoymasına imkan verilməsə, o zaman bir neçə ildən sonra ölkə nəzarətsiz tənəzzüllə üzləşə bilər.
Əli Babayev
Bütün xəbərlər Facebook səhifəmizdə
USD
EUR
GBP
RUB
