...2025-ci ilin sonuna qədər Türkiyəyə tədarük ediləcək Türkmənistan qazının planlaşdırılan həcmi 1,3 milyard kubmetr olacaq.
SİA “Haber7”yə istinadən xəbər verir ki, bunu Türkiyənin enerji və təbii sərvətlər naziri Alparslan Bayraktar prezident Ərdoğanın başçılıq etdiyi rəsmi nümayəndə heyətinin tərkibində İndoneziyaya səfəri zamanı bildirib.
…Ümid edirəm ki, ilin sonuna qədər davam edəcək tədarük prosesində biz Türkiyədəki istifadəçilərə 1,3 milyard kubmetr təbii qaz təklif edəcəyik, - deyə nazir bildirib.
Onun sözlərinə görə, Türkiyə qaz tədarükünü fərqləndirməyə və şaxələndirməyə çalışır.
…Biz müxtəlif ölkələrdən qaz tədarük etmək istəyirik. Bu planın bir hissəsidir. Bu mənada biz artıq çoxdandır ki, qazlaşdırma qurğuları vasitəsilə müxtəlif ölkələrdən qazı mayeləşdirilmiş təbii qaz şəklində ala bilirik.
Bunu da türkiyəli nazir deyib.
Qeyd edilməlidir ki, Türkmənistandan qaz tədarükünün başlanmasının özünəməxsus xüsusiyyəti var: Türkiyə 20 ildən artıq müddətdə ilk dəfə qazı ümumi sərhədi olmayan ölkədən boru kəməri ilə alacaq. Türkmənistan İrana qaz tədarük edəcək, Türkiyə isə onu İran-Türkiyə sərhədindəki Gürbulak keçid məntəqəsindən alacaq.
Nazirin sözlərinə görə, uzunmüddətli perspektivdə Xəzər dənizinin dibi ilə boru kəmərinin çəkilməsi məqsədəuyğun olardı.
Bu, həm Türkiyəyə, həm də Avropaya əhəmiyyətli dərəcədə böyük həcmdə qaz tədarük etməyə imkan verəcək.
Türkiyə ildə 50 milyard kubmetrdən çox qaz istehlak edir. O, Rusiya, Azərbaycan və İrandan boru kəməri qazının tədarükünə, eləcə də müxtəlif təchizatçılardan mayeləşdirilmiş təbii qaz idxalına əsaslanır.
Əli Babayev
Bütün xəbərlər Facebook səhifəmizdə
.jpg)
USD
EUR
GBP
RUB