Türkiyə Böyük Millət Məclisinin (TBMM) sədri Numan Kurtulmuş Türkiyənin Şimali Kıbrıs (Kipr) Türk Cümhuriyyətinin (ŞKTC) bütün gücü ilə yanında olduğunu vurğulayıb.
SİA-nın əldə etdiyi məlumata görə, Kurtulmuş Şimali Kıbrıs Türk Cümhuriyyəti Məclisinin sədri Ziya Öztürklərlə paytaxt Ankarada təkbətək və heyətlərarası görüşlərdən sonra birgə mətbuat konfransında danışıb.
Cənubi Kıbrıs Rum Administrasiyasının İsraildən hava hücumundan müdafiə silahları almasına reaksiya verən N.Kurtulmuş "Müharibə istəyənlər indi silahlarını satmaq üçün yeni yerlər axtarırlar, bəsdir" deyib.
Numan Kurtulmuş bildirib ki, dünyanı qan gölünə çevirən bu sərkərdələr döyüş alətlərini sataraq bu bölgəni daha da sabitsiz hala salmamalıdırlar.
"Hansı silahı kimin alıb və ya alacağı bizim işimiz deyil. Biz silahlanmanın dayandırılmasını istəyirik. Amma biz anlaya bilmirik ki, Şimali Kıbrıs Türk Cümhuriyyətini və onun vasitəsilə Türkiyəni daim nizama salmağa çalışanlar niyə bu ehtiraslara məhəl qoymurlar. Cənubi Kıbrısda silahlanma üçün isə əksinə, Kıbrısa bu tövsiyələri verənlərin Cənubu necə silahlandırdığını və oradakı bəzi bazaları necə möhkəmləndirdiyini bilirik", -deyə N.Kurtulmuş qeyd edib.
ŞKTC-nin dincliyini pozmaq istəyənlərə imkan verməyəcəklərini vurğulayan Kurtulmuş Türkiyənin kim olmasından asılı olmayaraq bütün gücü ilə ŞKTC-nin yanında olduğunu vurğulayıb.
Bütün xəbərlər Facebook səhifəmizdə
USD
EUR
GBP
RUB
