Rusiyanın xarici işlər naziri Sergey Lavrov Qətərin paytaxtı Dohada Türkiyənin xarici işlər naziri Hakan Fidan və iranlı həmkarı Abbas Əraqçi ilə görüşün Suriyada vəziyyətin sabitləşməsinə kömək edəcəyini bildirib.
SİA-nın məlumatına görə, Moskvada amerikalı jurnalist Taker Karlsona müsahibə verən Sergey Lavrov Suriyadakı son hadisələri yaxından izlədiklərini, türk və iranlı həmkarları ilə mövcud vəziyyəti Astana prosesi əsasları çərçivəsində yenidən necə nəzərdən keçirə biləcəklərini müzakirə edəcəklərini bildirib.
Suriyadakı vəziyyətin kifayət qədər mürəkkəb olduğunu vurğulayan rusiyalı nazir "Bu, mürəkkəb bir oyundur. Bir çox aktyor iştirak edir. Ümid edirəm ki, bu həftə planlaşdırdığımız görüş (Qətərdə) Suriyadakı vəziyyətin sabitləşməsinə kömək edəcək" deyib.
Rusiya, Türkiyə və İranın Astana Prosesi çərçivəsində müntəzəm görüşlər keçirdiklərini xatırladan Lavrov bu ilin axırı və ya 2025-ci ilin əvvəlində görüş planlaşdırdıqlarını açıqlayıb.
ABŞ-ın yeni seçilmiş prezidenti Donald Trampın Ukrayna müharibəsini sona çatdıracağına söz verdiyini xatırladan və bunun hansı şərtlər altında mümkün olacağı sualına isə Lavrov belə cavab verib:
"İyunun 14-də prezident Putin çıxışında buna toxundu. O, İstanbulda (2022-ci ildə) qəbul edilmiş prinsiplər əsasında danışıqlara hazır olduğumuzu bir daha bəyan etdi".
Bütün xəbərlər Facebook səhifəmizdə
USD
EUR
GBP
RUB