İsrail ordusunun 7 oktyabr 2023-cü il tarixindən etibarən Qəzza zolağına həyata keçirdiyi hücumlarda ölənlərin sayı 44 min 580-ə yüksəlib. SİA bu barədə Türkiyə saytlarına istinad edir.
Qəzzada Fələstin Səhiyyə Nazirliyindən verilən açıqlamada İsrailin 426 gündür Qəzza zolağında həyata keçirdiyi hücumlarla bağlı məlumat verilib.
İsrail ordusunun Qəzza zolağının müxtəlif bölgələrində son 24 saat ərzində həyata keçirdiyi “5 qətliam”da daha 48 nəfərin həyatını itirdiyi, 201 nəfərin isə yaralandığı bildirilib.
Qeyd olunub ki, İsrailin 7 oktyabr 2023-cü ildən etibarən Qəzza zolağına təşkil etdiyi hücumlarda ölənlərin sayı 44 min 580-ə, yaralıların sayı isə 105 min 739-a yüksəlib.
Bəyanatda dağıntılar altında və yol kənarında hələ də ölənlərin olduğu, lakin İsrail qüvvələrinin maneəsi üzündən tibb qrupları və mülki müdafiə səlahiyyətlilərinin cəsədlərə çata bilmədiyi də təkrarlanıb.
Bütün xəbərlər Facebook səhifəmizdə
USD
EUR
GBP
RUB
