Cənubi Koreyada əsl xaos hökm sürür. Qəfil hərbi vəziyyət qərarından sonra deputatlar əsgərləri üstələyərək parlamentə daxil olub, fərmanın əleyhinə səs veriblər. SİA xarici mətbuata istinadən xəbər verir ki, hərbi vəziyyət ləğv edilib, prezidentin istefaya getməsi çağırışları səslənir.
Cənubi Koreyanın rəsmi xəbər agentliyi "Yonhap"ın verdiyi məlumata görə, prezident Yoon Suk Yeol qısa müddətdə hərbi vəziyyət elan etdikdən sonra yüzlərlə silahlı Cənubi Koreya əsgəri dünən axşam ölkə parlamentinin ərazisinə daxil olub. Çərşənbə günü keçirdiyi brifinqdə Milli Assambleyanın baş katibi Kim Min-ki bildirib ki, Müdafiə Nazirliyi fərman ləğv edilənə qədər iki dəfə qoşun yeridib.
Kimin sözlərinə görə, əraziyə əvvəlcə vertolyotlarla təxminən 230 əsgər daxil olub, daha 50 əsgər isə Milli Assambleyanın divarlarını aşıb. "Yonhap"ın məlumatına görə, onlar əvvəlcə binanın əsas girişini və arxa qəbul sahəsini sındırmağa çalışıblar, lakin bu uğursuzluqla əsgərlər içəri girmək üçün çəkic və tüfənglə pəncərələri sındırıblar.
Kim deyib ki, insident zamanı Milli Assambleyanın bəzi əməkdaşları yaralanıb və onların sayı və şiddətini qiymətləndirmək üçün səylər davam edir.
Bütün xəbərlər Facebook səhifəmizdə
USD
EUR
GBP
RUB