Təbii qaz axınının dayanması kömürdən istifadəni çoxaltdı. SİA xəbər verir ki, uzun illərdir ətraf mühit və iqlim dəyişikliyi ilə bağlı siyasət həyata keçirən və kömürdən uzaqlaşan Avropa ölkələri Rusiya-Ukrayna müharibəsi və Rusiyadan təbii qaz axınının dayanması səbəbindən bu yanaşmanı dəyişməli olub. Beynəlxalq Enerji Agentliyinin (IEA) illik "Kömür 2022" hesabatına görə, 2022-ci ildə qlobal kömür istehlakı əvvəlki ilə nisbətən 1,2 faiz artarkən, Aİ-də artım isə 6,5 faizə çatıb.
Beləliklə, 2021-ci ildə 449 milyon ton olan Aİ ölkələrinin kömür istehlakı 2022-ci ildə 478 milyon tona çatıb. Bu artımda elektrik enerjisi istehsalında istifadə olunan kömürə tələbatın artması təsirli olmuşdur.
2021-ci ildə 332 milyon ton olan Aİ ölkələrinin ümumi kömür hasilatı 2022-ci ildə yüzdə 7,3 artaraq 357 milyon tona çatıb.
Xatırladaq ki, 1990-cı ildə Aİ-də elektrik enerjisi istehsalının 40 faizini təmin edən istilik elektrik stansiyalarının payı 30 il ərzində azalma tendensiyası göstərmişdir. Elektrik enerjisi istehsalında kömürün payı 2020-ci ildə 13 faizə qədər azalıb.
Bütün xəbərlər Facebook səhifəmizdə
USD
EUR
GBP
RUB