Yeni Mazda 6e Avropada satışa çıxarılıb. Dördüncü nəsil modelin qiyməti 44 900-46 500 avro arasındadır və əhəmiyyətli dəyişikliklərə məruz qalıb. Onun təfərrüatları yapon avtomobil istehsalçısının rəsmi saytında açıqlanıb. Məsələ ondadır ki, yeni Mazda 6e elektromobildir. Üstəlik, o, artıq ön təkərli sedan deyil, arxa təkərli liftbackdir.
4,9 metrlik avtomobil zərif paz formalı dizayna malikdir, lakin onun ön hissəsi ənənəvi Mazda üslubundadır. 2025-ci il Mazda 6-nın interyeri rəqəmsal alətlər toplusu və böyük 14,6 düymlük sensor ekran, eləcə də ön şüşəyə proyeksiya ilə təchiz edilmişdir.
SİA-nın məlumatına görə, avtomobilin 330 litrlik arxa və 70 litrlik ön baqajı var.
Mazda 6e elektromobili Avropa bazarında iki versiyada təqdim olunur ki, onlar təkcə avadanlıqlara görə deyil, həm də güc qurğularına görə fərqlənirlər.
Əsas versiya 258 at qüvvəli mühərrik və 68,8 kVt/saat akkumulyator alıb. O, 100 km/saata 7,6 saniyəyə sürətlənir və enerji doldurmadan 479 km qət edə bilir. Mazda 6e-nin əsas bəzək səviyyəsinə panoramik dam, elektrik oturacaqlar, iki zonalı iqlim nəzarəti, adaptiv kruiz-kontrol, təhlükəsizlik sistemləri dəsti və 14 dinamikli Sony səs sistemi daxildir.
Üst versiyaya Nappa dərisi və ağac bəzəkləri əlavə olunur. Onun mühərriki bir qədər zəifdir (245 at gücü), ona görə də 100 km/saat sürətlənmə 7,8 saniyə çəkir. Bununla belə, daha böyük 80 kVt-saat batareya sayəsində uçuş məsafəsi 552 km-dir.
Nazlı Almuradova
Bütün xəbərlər Facebook səhifəmizdə
USD
EUR
GBP
RUB