...Alimlər əvvəllər mümkün biomarkerlər hesab edilməyən qazları təhlil edərək, uzaq planetlərdə həyat izlərinin axtarılmasını təklif ediblər.
SİA xatırladır ki, tipik olaraq, yerdən kənar həyatın axtarışı oksigen və metan axtarışına əsaslanır, lakin bu maddələri uzaq planetlərdə aşkar etmək asan deyil.
Riverside, Kaliforniya Universitetinin tədqiqatçıları alternativ yanaşma təklif ediblər: su ilə zəngin və qalın hidrogen atmosferinə malik olan hidrookean planetlərinin tədqiqi...
Belə dünyalar insanlar üçün yararsız olsa da, onların şəraitində metil halidləri aktiv şəkildə buraxa bilən mikroorqanizmlər mövcud ola bilər. Müasir teleskoplarla bu qazları aşkar etmək daha asandır. Alimlərin hesablamalarına görə, Ceyms Uebb onları 13 saatdan az müşahidə zamanı qeyd edə bilir.
Əgər bir neçə ekzoplanetdə metil halogenidlər tapılarsa, bu, kainatda həyatın əvvəllər düşünüldüyündən daha çox yayıldığına dair inandırıcı sübutlar verə bilər. Gələcəkdə bu üsul bir gündən az müddətdə belə birləşmələrin mövcudluğunu təsdiq etməyə qadir olan LIFE kimi daha güclü teleskoplarda istifadə oluna bilər.
Hansı qazların digər planetlərdə həyatı göstərə biləcəyini daha yaxşı başa düşmək üçün tədqiqatçılar Yerdəki ekstremal şəraiti olan yerləri - əksər orqanizmlərin yaşaya bilməyəcəyi mühitləri öyrənəcəklər. Bu, hansı maddələrin digər aləmlərdə həyatın mövcudluğunu göstərə biləcəyini və yaxın onilliklərdə yerdən kənar orqanizmlərin harada axtarılacağını müəyyən etməyə kömək edəcək.
Nazlı Almuradova
Bütün xəbərlər Facebook səhifəmizdə
.jpg)
USD
EUR
GBP
RUB
