"Jurnalist özünü pula satmamalıdır" - SORĞU

Son zamanlar "rekert jurnalistlər" barədə xəbərlər gündəm olub. Onların sayı günü-gündən artmaqdadır. Bəs paytaxt sakinləri "reket jurnalist"lərin utanverici əməllərinə necə baxır? Bu haqda SİA olaraq paytaxt sakinləri arasında sorğu keçirdik.

Şəhər sakini Rüstəm Zeynalov: "Çox pis haldır. Jurnalistlər nəyin harada və necə baş verdiyini öyrənməlidir. Kimlərdənsə pul tələb etmək jurnalistlərə yaraşmaz".

Şəhər sakini Ülvi Abdullayev: "Jurnalist özünü pula satmamalıdır. Azad fəaliyyət göstərməlidir. Kiminsə sifarişi ilə xəbər hazırlamamalı və kimlərdənsə pul tələb etməməlidir".

Şəhər sakini Fəhimə Həsənova: "Bu çox pisdir. İnsanların emosiyaları, hisləri ilə oynayırlar. Məncə, dövlət buna qarşı sərt tədbirlər aparmalıdır ki, belə hallar təkrarlanmasın".

Şəhər sakini Orxan Abdullayev: "Bu, sadəcə, biabırçılıqdır. Bir insan özünü bu qədər alçaltmamalıdır. Kimlərdənsə pul tələb edib ona şantaj eləmək iyrənclikdir. Jurnalistlərin belə şeylərə əl atması onların özlərinin öz peşələrinə hörmətsizliyidir".

Turqay Musayev

Bütün xəbərlər Facebook səhifəmizdə