“Uşaqların böyümə və inkişaf dövründə hüceyrələrinin böyüməsi və çoxalması nəticəsində bədən hüceyrələrində artım görülür. İnkişaf dövründə isə toxuma quruluşları və hüceyrə quruluşları böyüdükcə formalaşır. Bu dövrlərdə düzgün qidalanma qədər keçirilən idmanın uşaqlar üzərində həm fiziki, həm də zehni və ruhi müsbət təsirləri olur. Kiçik yaşda əldə edilən vərdişlər həyat boyu qalıcı olur. İdman etmək də bu vərdişlərdən biridir. Bu səbəbdən uşaqlar idmana cəlb edilməli və bu mənada uşaqlara kiçik yaşlardan etibarən dəstək olmalıdır. İdman etmələri üçün bəzi kurslara göndərməklə yanaşı, siz də uşaqlarınız ilə birlikdə məşq edə, qaçışa çıxa, yürüş edə, basketbol, ya da futbol oynaya və ya velosipedə minə bilərsiniz”. Bu fikirləri SİA-ya açıqlamasında Azərbaycan Dövlət Pedaqoji Universitetinin müəllimi, dos. Gülbaba Quliyev bildirib.
G.Quliyev qeyd edib ki, nizamlı idman etmək, uşaqlarda kilo nəzarəti təmin edir. Xüsusilə günümüzdə artan səhv qidalanma vərdişləri üzündən uşaqlarda köklük ciddi şəkildə artım göstərdi. Bu vəziyyət diabet, böyümə hormonu ifrazetmə pozğunluqları, qan yağlarından zərərli olanlar yüksəklik kimi sağlamlıq problemləri ilə qarşılaşma riski yaradır: “Kiçik yaşlarda nizamlı keçirilən məşqlər uşaqlarda sümük əriməsi riskini azaldır və 25-30 yaşda çatılan zirvə sümük sıxlığı səviyyəsinin daha yüksək olmasını təmin edir. İdman edən uşaqlar daha çevik olurlar və bədənləri daha gümrah olur. Uşaqların müntəzəm məşq etmələri fiziki hakimiyyət duyğularının və özünə olan inamlarının inkişafında yardımçı olur. İdman etmək sosial olaraq da uşağın daha fəal olmasını təmin edir. Uşaq idman edərkən digər uşaqlarla ünsiyyət qurmağı, bir qrupa mənsub olma hissini və bölüşməyi öyrənir”.
“İdman edən uşaqların akademik həyatlarının daha uğurlu olma ehtimalı da yüksəkdir. İdman edərkən liderlik xüsusiyyətləri qazanmağın və inkişaf etdirməklə yanaşı, komanda işinə uyğunluqları artır, komanda olma ruhunu da öyrənirlər. Nizamlı məşq vərdişinin qazanılması ürək və damar sağlamlığı ilə bağlı risk amillərini müsbət istiqamətdə təsir göstərərək bu xəstəliklərdən qorunmağı təmin edir. İdman edən uşaqlar daha çevik olurlar və bədənləri daha gümrah olur.İdman edən uşaqlar idmanda öyrəndikləri və qazandıqları intizamı həyatlarının digər sahələrinə də həyata keçirə bilərlər.Uşaqlar idman edərkən özünə hədəf qoymayın, bir məqsədi olmasının əhəmiyyətini və o hədəfə çatmaq üçün necə çalışılması nə qədər əmək sərf etməsi lazım olduğunu öyrənir. Stres günümüzdə artıq uşaq yaşlarda belə görünə bilər. İdman etmək uşağı sakitləşdirir, stresini alır və bədənində yığılan mənfi enerjini bayıra atmasını təmin edir. Kiçik yaşlarında idman etmək vərdişi olan uşaqların yetkin vaxtlarında idmana davam etmə nisbəti digər insanlara görə daha yüksəkdir”, - deyə G.Quliyev fikrini tamamlayıb.
Afət Tahirqızı
Bütün xəbərlər Facebook səhifəmizdə
.jpg "50 nəfərlik siyahı DAĞIDILDI! - KİMLƏR MƏHV OLDU?")
USD
EUR
GBP
RUB
