“Palma yağı iki əsas formada istehsal olunur:
Meyvənin ətindən əldə edilən yağ – Qida sənayesində istifadə olunur və beynəlxalq normalara əsasən insan istehlakı üçün yararlıdır. Çəyirdəyindən (nüvəsindən) əldə edilən yağ – Əsasən parfümeriya və texniki sahələrdə tətbiq olunur, qida sənayesində istifadəsi məhduddur”. Bu sözləri SİA-ya açıqlamasında Azad İstehlakçılar Birliyinin sədri Eyyub Hüseynov deyib.
Eyyub Hüseynov sözlərinə belə davam edib: “MDB məkanında və Avropa ölkələrində palma yağına qarşı ciddi təzyiq mövcuddur. Bu, əsasən iki səbəbdən qaynaqlanır:
İqtisadi səbəb: Palma yağı istehsal edən ölkələr (əsasən Malayziya və İndoneziya) bu məhsulu dünya duru yağ bazarına çıxararkən qiymətlərin ucuzlaşmasına səbəb olur. Bu isə günəbaxan, qarğıdalı və digər bitki yağları istehsalçıları üçün bazar itkiləri yaradır. Nəticədə, istehlakçılar arasında palma yağına qarşı mənfi imic formalaşdırılmağa çalışılır.
Ekoloji səbəb: Palma plantasiyalarının genişləndirilməsi məqsədilə bəzi meşə massivlərinin qırılması tənqid olunur. Lakin istehsalçı ölkələr bildirirlər ki, meşələrin məhv edilməsi deyil, yenilənməsi prosesi həyata keçirilir.
Əslində, qida üçün nəzərdə tutulan palma yağı təhlükəli hesab edilmir və beynəlxalq standartlara uyğun istehsal olunur. Azərbaycan bazarına gətirilən bütün palma yağları Qida Təhlükəsizliyi Agentliyi tərəfindən nəzarətdə saxlanılır. Bununla belə, əsas problem ondan ibarətdir ki, bəzi hallarda palma yağından istifadə edildiyi məhsulların üzərində bu barədə məlumat qeyd olunmur. Bu isə istehlakçıların maariflənməsinə və məhsulun düzgün tanıdılmasına mane olur”.
Ayşən Vəli
Bütün xəbərlər Facebook səhifəmizdə
.jpg)
USD
EUR
GBP
RUB