“Azərbaycanın həyata keçirdiyi çoxvektorlu xarici siyasət kursu son illərdə özünün ardıcıl və nəticəyönümlü xarakteri ilə seçilir və bu, beynəlxalq münasibətlər sistemində ölkənin mövqeyinin möhkəmlənməsinə xidmət edən mühüm amil kimi çıxış edir”.
Bu sözləri SİA-ya açıqlamasında siyasi ekspert Aydın Quliyev bildirib.
Onun sözlərinə görə, mövcud yanaşma xarici siyasətin müxtəlif coğrafi istiqamətlər üzrə şaxələndirilməsini və paralel əməkdaşlıq mexanizmlərinin formalaşdırılmasını nəzərdə tutur:
”Bu əməkdaşlıqların praktik nəticələr verməsi isə həmin strategiyanın effektivliyini təsdiqləyir.
Empirik müşahidələr göstərir ki, Azərbaycanın Qərb, Şərq, Şimal və Cənub istiqamətləri ilə yanaşı, Cənub-Şərqi Asiya, ərəb regionu və İslam dünyası ilə əlaqələri də balanslı və sistemli şəkildə inkişaf edir. Bu balanslaşdırılmış xarici siyasət modeli ölkənin beynəlxalq tərəfdaşlıq şəbəkəsinin genişlənməsinə və diplomatik əlaqələrin diversifikasiyasına şərait yaradır.
Xüsusilə qeyd edilməlidir ki, Azərbaycanın BMT-nin Asiya və Sakit Okean üzrə İqtisadi və Sosial Komissiyası çərçivəsində keçirilən 8-ci sessiyaya sədrlik etməsi ölkənin beynəlxalq təşkilatlar sistemində artan rolunun və çoxtərəfli diplomatiyaya verdiyi əhəmiyyətin göstəricisi kimi qiymətləndirilə bilər. Bu hadisə eyni zamanda Azərbaycanın qlobal idarəetmə proseslərində daha fəal iştirak tendensiyasını da əks etdirir.
Son 10–15 illik dövrdə Azərbaycanın xarici iqtisadi siyasətində Cənub-Şərqi Asiya regionuna xüsusi önəm verilməsi müşahidə olunur. Bu istiqamətdə Çin, Vyetnam, İndoneziya və Avstraliya kimi dövlətlərlə əməkdaşlıq münasibətləri dinamik inkişaf mərhələsinə qədəm qoymuşdur. Rəqəmsal texnologiyalar, aqrar sektor və ticarət sahələri üzrə əməkdaşlığın genişləndirilməsi isə ölkənin iqtisadi diplomatiyasının prioritet istiqamətləri sırasındadır.
Azərbaycanın nüfuzlu beynəlxalq platformalarda sədrlik funksiyasını həyata keçirməsi ölkənin qlobal iqtisadi proseslərdə fəal iştirakını, həmçinin iqtisadi, ticarət və rəqəmsallaşma sahələrində yeni əməkdaşlıq imkanlarının formalaşdırılmasına verdiyi töhfəni sistemli şəkildə ortaya qoyur”.
Bütün xəbərlər Facebook səhifəmizdə
USD
EUR
GBP
RUB
