.jpg)
"Davosda Prezident İlham Əliyev ilə ABŞ Prezidenti Donald Tramp arasında keçirilən görüş, Azərbaycanın Ermənistanla sülh prosesindəki mövqeyini və regionda atdığı strateji addımları beynəlxalq aləmdə bir daha ön plana çıxardı". Bu sözləri SİA-ya açıqlamasında politoloq Tofiq Abbasov deyib.
Onun sözlərinə görə, bu görüş həm Azərbaycanın əldə etdiyi real nəticələrin beynəlxalq tərəfdaşlar tərəfindən diqqətlə izlənildiyini, həm də ölkəmizin regional təşəbbüslərdə oynadığı konstruktiv rolun önəmini təsdiqləyir: "Azərbaycan, Ermənistanla sülh prosesində konkret addımlar ataraq, Dağlıq Qarabağ münaqişəsinin həllinə yönəlmiş diplomatik platformaları gücləndirmişdir. Bununla yanaşı, Zəngəzur dəhlizinin açılması və TRIPP layihəsi kimi regional təşəbbüslər Azərbaycanın nəqliyyat-logistika və enerji infrastrukturunu modernləşdirərək, həm regionun iqtisadi inteqrasiyasına, həm də ticarət dövriyyəsinin artırılmasına xidmət edir. ABŞ-ın siyasi dəstəyi fonunda bu layihələr, yalnız iqtisadi deyil, həm də geosiyasi baxımdan regionun balansına mühüm təsir göstərir. Belə ki, region ölkələri arasında qarşılıqlı əlaqələrin güclənməsi, etimad mühitinin möhkəmlənməsi və tranzit imkanlarının genişləndirilməsi Azərbaycanı strateji mərkəz kimi önə çıxarır. Eyni zamanda, ABŞ-ın diqqəti və dəstəyi, Azərbaycan və regiondakı tərəfdaşlar üçün sülh və inkişaf siyasətinin davamlılığını təmin edən mühüm faktor hesab olunur. Bu, Azərbaycan üçün regional lider mövqeyini möhkəmləndirir və eyni zamanda, geosiyasi riskləri minimuma endirməyə imkan yaradır. Azərbaycan yalnız sülh prosesində əldə etdiyi real uğurları gücləndirmir, həm də regional əməkdaşlıq və tranzit imkanlarını strateji avantaja çevirərək uzunmüddətli sabitliyə töhfə verir".
Bütün xəbərlər Facebook səhifəmizdə
.jpg)
.jpg)
USD
EUR
GBP
RUB
