Ölkənin şimal-qərb zonas;nda bələdiyyə seçkilərində səsverməyə start verilib. SİA-nın məlumatına görə, Qax və Şəki rayonları ərazisində fəaliyyət göstərən bütün seçki məntəqələrində seçkiyə start verilib.
Dairə üzrə 10 bələdiyyə üçün ümumilikdə 110 namizəd qeydə alınıb.
113 saylı Qax-Şəki seçki dairəsi üzrə 73 məntəqə fəaliyyət göstərir. Bunlardan 10 məntəqədə veb-kamera, 2 məntəqədə isə pandus quraşdırılıb.
Seçki dairəsi üzrə 54 min 673 seçici qeydiyyata alınıb, onlardan 324 nəfəri ilk dəfə səs verəcək. Dairə üzrə həmin gün 18 yaşı tamam olan 1 nəfər var.
113 saylı Qax-Şəki seçki dairəsinin seçki məntəqələrində 831 müşahidəçi seçkini izləyəcək.
Qeyd edək ki, səsvermə saat 19:00-a qədər davam edəcək.
Seçkilər ölkə ərazisindəki 118 seçki dairəsini əhatə edən 5 min 846 məntəqədə keçirilir. 685 bələdiyyənin 8 min 71 üzvü üçün 16 min 92 namizəd mübarizə aparır.
Mərkəzi Seçki Komissiyasının (MSK) məlumatına əsasən, bələdiyyə seçkilərində səsvermə hüququ olan 5 milyon 961 min 987 seçici var.
Bütün xəbərlər Facebook səhifəmizdə
USD
EUR
GBP
RUB