Milli Müdafiə Universitetinin nəzdində fəaliyyət göstərən Bakı Hərbi Kollecinin lektoriya zalında "Korrupsiyaya qarşı mübarizə" mövzusunda seminar təşkil olunub. Müdafiə Nazirliyinin mətbuat xidmətindən SİA-ya bildirilib ki, seminarda nazirliyin və Hərbi Prokurorluğun nümayəndələri iştirak ediblər.
Əvvəlcə xalqımızın Ümummilli Lideri Heydər Əliyevin, ölkəmizin azadlığı, ərazi bütövlüyü və suverenliyi uğrunda şəhid olanların, eləcə də 2024-cü il dekabr 25-də aviaqəzada həlak olanların xatirələri bir dəqiqəlik sükutla yad edilib. Azərbaycan Respublikasının Dövlət Himni səsləndirilib.
Tədbirdə Azərbaycan Ordusunda korrupsiyaya qarşı mübarizənin gücləndirilməsi məqsədilə həyata keçirilən tədbirlər, mövcud problemlər və onların həlli yolları müzakirə edilib. Bildirilib ki, bu cür seminarın keçirilməsi korrupsiyaya qarşı mübarizə tədbirlərinin səmərəliliyinin artırılmasında vacib bir addımdır.
Sonda seminar iştirakçılarını maraqlandıran bir sıra məsələlərə dair ətraflı fikir mübadiləsi aparılıb.
Bütün xəbərlər Facebook səhifəmizdə
USD
EUR
GBP
RUB