“Əslində, bizim dünyanın müxtəlif yerlərində 360-dan çox təlimimiz həyata keçirilir. Bütün bunlar, 160 ölkədə fəaliyyət göstərən, təxminən 30 törəmə şirkətimiz vasitəsilə mümkün olur — Messe Frankfurt qrupuna daxil olan şirkətlər sayəsində. Frankfurtda çalışan insanlar bundan qürur duymalıdırlar, çünki biz dünyada ən yaxşı təcrübə təşkilatçılarından biriyik. Məhz buna görə də tərəfdaşlarımızı seçərkən çox diqqətli və ehtiyatlı davranırıq". SİA xəbər verir ki, bu fikirləri “Automechanika Baku” beynəlxalq sərgisinə həsr olunmuş mətbuat konfransında “Messe Frankfurt Exhibition GmbH” şirkətinin istehlak malları, avtomobil və tekstil sərgiləri və satışları üzrə birinci vitse-prezidenti Stephan Kurzawski səsləndirib.
O bildirib ki, Bakıya səfər zamanı Azərbaycanla yaxın və dinamik əməkdaşlığın qurulacağına əmin olublar: “Biz doğru tərəfdaş seçdiyimizə inanırıq, çünki bu ölkədə ən yaxşılarla işləyirik. Cəmi 6 ay ərzində ideyanın təqdimatından onun həyata keçirilməsinə qədər bütün mərhələləri uğurla tamamladıq".
Stephan Kurzawski qeyd edib ki, Messe Frankfurt ticarət sərgiləri biznesində dünyanın ən böyük markalarından biridir və bu sahədə ən tanınmış brend Automechanika hesab olunur: “Əgər Automechanika-nın qlobal xəritəsinə baxsanız, demək olar ki, hər qitəni əhatə etdiyimizi görərsiniz. Ən böyük sərgimiz Çində, Şanxayda keçirilir və 7.000-dən çox iştirakçını bir araya gətirir. Frankfurtdakı əsas sərgimizdə isə 5.000-dən artıq şirkət iştirak edir".
O həmçinin sərginin miqyası barədə maraqlı fakt da paylaşıb: “Automechanika Frankfurt sərgi sahəsində hər koridoru bir dəfə gəzmək istəsəniz, 42 kilometr məsafə qət etməli olarsınız. Yəni, sərgini tam gəzmək üçün həm vaxt, həm də dözüm lazımdır,” – deyə əlavə edib.
Bütün xəbərlər Facebook səhifəmizdə
USD
EUR
GBP
RUB