Avtovağzalda təhlükəsizlik tədbirləri necə həyata keçirilir? Bakı Beynəlxalq Avtovağzalında sərnişinlərin təhlükəsiz tədbirlərinin necə həyata keçirilməsi barəsində qurumla əlaqə saxladıq. Qurum rəsmisinin SİA-ya verdiyi məlumata görə, Bakı Beynəlxalq Avtovağzal Kompleksində sərnişin təhlükəsizliyi standartları Azərbaycan Respublikası Nazirlər Kabinetinin 2009-cu il 17 sentyabr tarixli, 141 nömrəli qərarı ilə tənzimlənir. Bu qaydalara əsasən avtovağzal ərazisinin müşahidəsi üçün kameralar quraşdırılıb, ərazinin təhlükəsizliyini təmin edən polis əməkdaşları, nəzarətçilər fəaliyyət göstərir, gecə saatlarında ərazinin aydın görünməsi üçün işıqlandırma təmin edilib.
Həmçinin Avtobusların texniki və sürücülərin sağlamlıq vəziyyəti mütəmadi olaraq yoxlanılır, ərazinin giriş və çıxışları nəzarət altında saxlanılır. Yanğın təhlükəsi, fövqəladə hallara qarşı yanğın hidrantları, yanğınsöndürmə avadanlıqları təcili çıxış yolları və ilkin tibbi yardım məntəqəsi mövcuddur. Sərnişinlərə avtobusların hərəkət qrafiki və fövqəladə hallar barədə Azərbaycan, rus və ingilis dillərində məlumat verilir.
Bütün xəbərlər Facebook səhifəmizdə
USD
EUR
GBP
RUB