...ABŞ prezidenti Donald Trampın administrasiyası Kubaya qarşı təzyiqi kəskin şəkildə artırıb və Ağ Evin açıqlamaları getdikcə Soyuq Müharibə ritorikasını xatırladır. ABŞ prezidenti Havanaya qarşı daha sərt tədbirlərin mümkünlüyünə işarə edərək, əvvəlki Amerika liderlərinin yalnız müdaxiləni müzakirə etdiyini, "bunu edə biləcək şəxsin" isə özünün olduğunu iddia edib.
SİA-nın əldə etdiyi məlumata görə, bu barədə DW yazıb.
Gərginliyin artması fonunda Vaşinqton USS Nimitz təyyarədaşıyan gəmisini və onu müşayiət edən hərbi gəmiləri Karib dənizinə göndərib.
Tramp təlimlərlə Kuba arasında hər hansı bir əlaqəni inkar etsə də, Havana bu addımları güc nümayişi kimi qəbul edir. Kuba hakimiyyətinə qarşı sərt mövqeyi ilə tanınan ABŞ dövlət katibi Marko Rubio ABŞ-ın diplomatiyaya açıq qaldığını, lakin danışıqlar yolu ilə həll şansının "son dərəcə az" olduğunu bildirib.
O, Kubanın Rusiya və Çinlə yaxın əlaqələri səbəbindən ABŞ-ın milli təhlükəsizliyinə təhdid yaratdığını bildirib.
ABŞ Ədliyyə Nazirliyinin 94 yaşlı Raul Kastroya qarşı ittiham irəli sürmək qərarı münasibətlərə daha bir zərbə vurub.
Kubanın keçmiş lideri 1996-cı ildə iki ABŞ mülki təyyarəsinin vurulmasında iştirak etməkdə ittiham olunur. Kuba hakimiyyəti ittihamları siyasi təxribat və adaya qarşı daha çox təcavüzü haqlı çıxarmaq cəhdi adlandırıb.
Ekspertlər qeyd edirlər ki, Vaşinqtonun hərəkətləri getdikcə daha əvvəl Venesuelaya qarşı istifadə edilən təzyiq strategiyasını xatırladır.
Kubanın özündə vəziyyət çox ağırdır. Ölkə saatlarla davam edən elektrik kəsintiləri, ərzaq çatışmazlığı və rekord inflyasiya səbəbindən iflic vəziyyətindədir.
Əli Babayev
Bütün xəbərlər Facebook səhifəmizdə
USD
EUR
GBP
RUB