ABŞ prezidenti Donald Tramp hesab edir ki, Ukraynanın hazırkı vəziyyətdə əsas üstünlüyü Vaşinqtonun dəstəyi ilə bağlıdır və bu dəstəyin itirilməsi Kiyev üçün ciddi nəticələrə səbəb ola bilər. SİA-nın xarici mətbuata istinadən verdiyi məlumata görə, bu barədə o, The New York Times-a verdiyi müsahibədə bildirib. Trampın sözlərinə görə, Ukrayna prezidenti Vladimir Zelenskinin “kozirləri yoxdur” və situasiyanın ilk gündən belə olduğu iddia edilir. “İndi onun yalnız bir şeyi var – Donald Tramp. Əgər onun Donald Trampı olmazsa, bu tam bir fəlakət olacaq və bunu o bilir, Avropa liderləri də bilir” – ABŞ lideri qeyd edib.
Sülh danışıqlarının mümkün vaxtı barədə suala cavab verən Tramp konkret tarix olmadığını söyləyib: “Biz əlimizdən gələnin ən yaxşısını edirik. Mənim qrafikim yoxdur… Əgər mən prosesdə iştirak etməsəydim, vəziyyət Üçüncü Dünya müharibəsinə çevrilə bilərdi. Hər şey çox pis gedirdi. Bu artıq təkrarlanmayacaq”.
ABŞ prezidenti həmçinin bildirib ki, hazırda müharibə tərəflərinin danışıqlara daha açıq olduğu görünür. Onun sözlərinə görə, keçmişdə elə hallar olub ki, Rusiya prezidenti Vladimir Putin razılaşmaya hazır idi, lakin Zelenski buna qarşı çıxıb; bəzi situasiyalarda isə əksinə baş verib. “Düşünürəm ki, indi hər iki tərəf razılaşma istəyir, lakin bunu yaxın zamanda görəcəyik”, – Tramp bildirib.
Xatırladaq ki, 2025-ci il fevralın 28-də baş tutan görüş zamanı Tramp ilk dəfə iddia etmişdi ki, Vaşinqtonun dəstəyi olmadan Kiyevin “əlinə heç bir kart keçmir”. O zaman Zelenski bəyan edərək bildirmişdi ki, ABŞ-ın Ukraynaya nə edəcəyini diktə etməyə haqqı yoxdur.
Bütün xəbərlər Facebook səhifəmizdə
.jpg "“SƏS”ə kimlər qarşı ÇIXDI? - ŞOK ETİRAF!")
USD
EUR
GBP
RUB