...Venesuela Prezidenti Nikolas Maduro Vaşinqtonun artan hərbi və iqtisadi təzyiqi fonunda ABŞ ilə narkotik qaçaqmalçılığına qarşı danışıqlara başlamağa hazır olduğunu bəyan edib.
SİA-nın əldə etdiyi məlumata görə, bu barədə Associated Press xəbər verir.
Maduro bildirib ki, Karakas ABŞ ilə "ciddi dialoqa" açıqdır, lakin o, yenidən Vaşinqtonu rejim dəyişikliyinə cəhd etməkdə və Venesuelanın ən böyük sübut olunmuş neft ehtiyatlarına çıxış əldə etməkdə günahlandırıb.
O, "onlar təhdid, qorxutma və güc yolu ilə öz iradələrini tətbiq etməyə çalışırlar" deyə bildirib və əlavə edib ki, "faktlarla danışmağın vaxtıdır".
Bəyanat ABŞ tərəfindən kəskin eskalasiya fonunda verilib. Ötən həftənin sonlarında ABŞ ordusu şübhəli narkotik kartel gəmilərinə zərbələr endirdiyini bildirib və hücumların ümumi sayı 35-ə çatıb.
Bundan əlavə, mənbələrə görə, ötən həftə narkotik kartelləri tərəfindən istifadə edildiyi iddia edilən Venesuela ərazisində pilotsuz təyyarə körpüyə zərbə endirib.
Bu, kampaniyanın başlanğıcından bəri ABŞ-ın Venesuela ərazisinə ilk məlum birbaşa zərbəsi olub və Karakasa təzyiqin əhəmiyyətli dərəcədə artması kimi qiymətləndirilir.
Tramp administrasiyası bu hərəkətləri ABŞ-a narkotik axınının qarşısını almaq zərurəti ilə əsaslandırır və kartellərlə "silahlı münaqişə"də olduğunu iddia edir.
Maduro isə öz növbəsində hələlik Mərkəzi Kəşfiyyat İdarəsinin hücumu ilə bağlı şərh verməkdən çəkinib və yalnız "bu barədə bir neçə gün ərzində danışa biləcəyini" bildirib.
Əli Babayev
Bütün xəbərlər Facebook səhifəmizdə
.jpg)
USD
EUR
GBP
RUB