...ABŞ senatorları Rusiyanın sanksiyalardan yayınmaq üçün istifadə etdiyi “kölgə donanması” adlandırılan neft tankerlərinə qarşı sanksiyaları genişləndirməklə Moskvaya təzyiqi artıracaq qanun layihəsi təqdim ediblər.
SİA-nın məlumatına görə, bu barədə “Financial Times” yazır.
Sentyabrın 20-də tətbiq ediləcək yeni məhdudiyyətlər paketi Rusiya neftinin və mayeləşdirilmiş təbii qazın ixracı ilə məşğul olan gəmilərin bloklanmasını, həmçinin Rusiyanın müdafiə sektoruna qarşı sanksiyaların genişləndirilməsini təklif edir.
Qanun layihəsinə senatorlar Cim Riş (Respublikaçı) və Ceanne Şaheen (Demokrat) sponsorluq ediblər.
…Putin sanksiyalardan yayınmaq üçün bütün mümkün hiylələrdən istifadə edir. ABŞ hərbi büdcəni dolduran bu gəmilərin fəaliyyətini pozmaq niyyətindədir.
Bunu Riş bildirib.
Qanun layihəsinə dəstək ikitərəflidir. Onun sponsorları arasında ABŞ prezidenti Donald Trampın müttəfiqləri Lindsi Qrem və Tom Cotton da var.
Bu arada Ukraynada müharibəyə son qoymaq üçün Trampın Putinlə apardığı danışıqlar dalana dirənib.
Sərt tədbirlər görmək təhdidlərinə baxmayaraq, Tramp hələ də Moskvaya qarşı konkret addımlar atmayıb.
…Və yeri gəlmişkən, Avropa İttifaqı Rusiyanın neft-qaz sənayesinə, onun enerji resurslarını alan Çin və Hindistan şirkətlərinə qarşı öz sanksiyalarını nəzərdən keçirir.
Əli Babayev
Bütün xəbərlər Facebook səhifəmizdə
USD
EUR
GBP
RUB