...ABŞ prezidentinin xüsusi elçisi Stiv Vitkoffun diplomatik fəaliyyəti Rusiya ilə dəfələrlə anlaşılmazlıqlara səbəb olub və ABŞ prezidenti Donald Trampın Rusiya-Ukrayna müharibəsini tez bir zamanda bitirmək vədini yerinə yetirilməmiş qoyub.
SİA-nın məlumatına görə, “Politico” bunu bir neçə adı çəkilməyən Amerika, Ukrayna və Avropa rəsmilərinə istinadən yazır.
Qeyd olunur ki, Vitkoff altı ay ərzində Rusiya lideri Vladimir Putinlə 5 dəfə görüşüb, lakin o, hələ də Ukraynada sülh məsələsində irəliləyişə nail ola bilməyib.
“Politico” vurğulayır ki, Ankoric sammitinin nəticə verməsi üçün çoxlu maneələr olub, bunlardan ən başlıcası Putinin Ukraynaya qarşı müharibəni dayandırmaq üçün əhəmiyyətli güzəştlərə getmək istəməməsidir.
Bununla belə, Vitkoffun sülh prosesindəki rolu ilə tanış olan nəşrin həmsöhbətlərinin çoxu onun danışıqları çətinləşdirdiyinə inanır.
Onların fikrincə, problemin bir hissəsi Trampın elçisinin iş üslubundadır. Daxili müzakirələrlə tanış olan yeddi nəfərin sözlərinə görə, o, ekspertlər və müttəfiqləri ilə məsləhətləşməkdən imtina edib, onu bəzən qaranlıqda, bəzən isə hazırlıqsız qoyub.
İkisi Rusiya-Ukrayna müharibəsinin mahiyyətini anlamadığını, buna ərazi mübahisəsi kimi baxdığını bildirib. ...Onun təcrübəsizliyi aydındır, prezidentin dəstəyi var, bu aydındır, lakin deyilənlər və razılaşdırılanlarla bağlı müəyyən çaşqınlıq var idi.
Bunu diplomatik səylərlə tanış olan şəxs deyib.
Başqa bir şəxs isə Vitkoffu "yarmaz aktyor" kimi təsvir edib. ...O, bütün bu insanlarla danışır, lakin bu görüşlərdə nə dediyini heç kim bilmir. O, açıq şəkildə nəsə deyir və sonra fikrini dəyişir. Bunu həyata keçirmək çətindir.
Adının açıqlanmasını istəməyən ABŞ rəsmisi bildirib bunu. ...Və digər tərəfdən, bəzi “Politico” mənbələri Trampın xüsusi elçisinin işini yüksək qiymətləndirərək, Trampın Ankoricdə Putinlə, Avropa liderləri və prezident Vladimir Zelenski ilə Vaşinqtonda keçirdiyi görüşlərin faktlarının “öz sözünü dediyini” deyib.
Əli Babayev
Bütün xəbərlər Facebook səhifəmizdə
USD
EUR
GBP
RUB