...Dünya Bankı, inkişaf etməkdə olan ölkələr üçün dönüş nöqtəsi ola biləcək nüvə enerjisi layihələrinin maliyyələşdirilməsinə onilliklər sürən qadağanı rəsmi olaraq ləğv edib.
SİA-nın məlumatına görə, bu barədə “The New York Times” yazır.
Bank sonuncu dəfə 1959-cu ildə nüvə enerjisinə sərmayə qoyub və qadağa 2013-cü ildən qüvvədədir.
Bu qərar inkişaf etməkdə olan ölkələrin kömür və neftdən istifadə etmədən sənayeləşməsinə yol açır ki, bu da istixana qazı emissiyalarının azaldılması üçün vacibdir. Bu, həmçinin nüvə sənayesini fəal şəkildə inkişaf etdirən Rusiya və Çinlə rəqabətdə ABŞ-ın mövqeyini gücləndirir.
...Nüvə enerjisinə dəstək getdikcə artır: ABŞ, Fransa və Qana da daxil olmaqla 20-dən çox ölkə 2050-ci ilə qədər nüvə enerjisinin gücünü üç dəfə artırmaq öhdəliyini artıq imzalayıb.
Dünya Bankının ən böyük səhmdarı olan Birləşmiş Ştatlar yeni nəsil kiçik modul reaktorların yaradılmasını təşviq edərək, qadağanın yenidən nəzərdən keçirilməsinə təkan verib.
Əvvəllər Fukusima qəzasından sonra nüvə enerjisinə qarşı çıxan Almaniya indi də yeni texnologiyalara açıqlıq nümayiş etdirir.
Hətta Narahat alimlər birliyi mövcud atom elektrik stansiyalarının aşağı karbonlu enerjisinin dəyərini etiraf edərək, mövqeyini yumşaltdı.
...Bankın qərarı xüsusilə Vyetnam, İndoneziya və Qana kimi kömürdən uzaqlaşmaq istəyən, lakin Rusiya və Çindən asılı olmaq istəməyən ölkələr üçün vacibdir.
Xüsusilə sabit enerjiyə çıxışı məhdud olan ölkələrdə nüvə enerjisi iqlim böhranı ilə mübarizədə real alternativ ola bilər. Qadağanın ləğvi təkcə dekarbonizasiyanı sürətləndirməyə deyil, həm də enerji sektorunda qlobal gücü yenidən bölüşdürə bilər.
Əli Babayev
Bütün xəbərlər Facebook səhifəmizdə
.jpg)
USD
EUR
GBP
RUB