Rusiyada müsəlmanlar tərəfindən idarə olunan ilk vəqf fondu - “Əbədi xeyir” Permdə yaradılıb.
SİA-nın məlumatına görə, bu barədə “Kommersant-Prikamye” xəbər verir.
Təşkilat yerli İslam kollecinin tələbə və müəllimlərinə maddi dəstək göstərməyi, elmi və dini tədbirlər keçirməyi planlaşdırır.
Fondun rəyasət heyətinin sədri Rüstəm Şamilovun nəşrə verdiyi məlumata görə, hazırda 3 milyon rubl məbləğində məqsədli kapital toplanır ki, bu da fondun tam işinə başlaması üçün lazımdır.
Şamilovun sözlərinə görə, təşkilatın əsas məqsədi Perm İslam Kollecinə maliyyə dəstəyi verməkdir: onun maddi bazasının genişləndirilməsi, müəllimlərin maaşlarının və tələbələrin təqaüdlərinin artırılması, həmçinin məscidlərin tikintisidir.
O izah edib ki, İslam hüququnda bu cür maliyyə qəyyumluğu vəqf adlanır ki, bu da dini və xeyriyyə məqsədləri üçün mülkiyyət mənasını verir.
“Əbədi xeyir”ın sosial şəbəkələrdəki rəsmi səhifəsində bildirilir ki, vəqf fondunun mexanizmi ianələrin toplanması və daha sonra vəzifəsi vəsaiti artırmaq olan idarəedici şirkətə verilməsidir.
Sonradan mənfəət yenidən fondun hesabına köçürüləcək, fond onu nizamnamədə müəyyən edilmiş məqsəd və vəzifələrə uyğun bölüşdürəcək. İdarəetmə şirkəti fondun danışıqları davam etdirdiyi Kazanda yerləşən Ak Bars Capital Management Company MMC ola bilər.
Nazlı Almuradova
Bütün xəbərlər Facebook səhifəmizdə
USD
EUR
GBP
RUB
