Böyük Britaniya Parlamentinin üzvü Bob Blakman 31 Mart Azərbaycanlıların Soyqırımı Günü ilə bağlı Britaniya Parlamentində çıxış edib. SİA xəbər verir ki, deputat çıxışında azərbaycanlılara qarşı törədilmiş qətliamı xatırladaraq, İcmalar Palatasının bu dəhşətli hadisələr zamanı həyatını itirən insanları ehtiramla yad etməsinin vacib olduğunu deyib.
Blakman çıxışında Qarabağın işğaldan azad edilmiş ərazilərindəki mina təhlükəsinə də toxunub. O, qeyd edib ki, hazırda bu ərazilərdə yüzlərlə mina əl ilə təmizlənməkdədir. Deputat Böyük Britaniya hökumətinə müraciət edərək Azərbaycanın minatəmizləmə səylərinə dəstək göstərilməsini istəyib: “Azərbaycan xalqına qarşı törədilmiş soyqırımın ildönümündə faciəvi şəkildə həyatını itirənləri yad etmək vacibdir. Bu gün işğaldan azad edilmiş Qarabağda hələ də yüzlərlə mina əl ilə təmizlənir. Hökumət Azərbaycanın bu minaları təmizləməsinə necə dəstək göstərə bilər ki, həmin torpaqlar faydalı məqsədlər üçün istifadə olunsun?”
Deputatın çıxışına cavab olaraq, Britaniyanın Avropa, Şimali Amerika və Dənizaşırı Ərazilər üzrə dövlət naziri Stiven Dauti deputatın haqlı olaraq minalar məsələsini qaldırdığını bildirib və Böyük Britaniyanın dünyada minatəmizləmə sahəsində oynadığı mühüm rolu vurğulayıb: “Bildiyiniz kimi, Böyük Britaniya bu sahədə dünyada mühüm rol oynayır. Azərbaycanın minatəmizləmə səylərinə dəstəklə bağlı Britaniyanın dəstəyi də bəllidir”.
Britaniyalı nazir çıxışında regionda sülhün əhəmiyyətinə də toxunub.
Bütün xəbərlər Facebook səhifəmizdə
.jpg)
USD
EUR
GBP
RUB