Qəzza zolağında 15 aydan artıqdır davam edən döyüşlərdə 18 min fələstinli uşaq həyatını itirib.
SİA-nın türk saytlarından əldə etdiyi məlumata görə, İsrail ordusunun hücumlarının başladığı 7 oktyabr 2023-cü ildən indiyədək 17 881 uşaq həyatını itirib.
Qəzza Hökumətinin Mətbuat İdarəsi İsrailin soyqırımı zamanı 214 körpənin doğuşdan dərhal sonra öldürüldüyünü, hücumlarda isə bir yaşından kiçik 808 körpənin həyatını itirdiyini açıqlayıb.
Ofis yanvarın sonunda verdiyi açıqlamada 4500 nəfərin amputasiya edildiyini, onların 18 faizinin uşaq olduğunu bildirib.
3500 uşağın ağır şəkildə qidalana bilməməsi və qida çatışmazlığından ölüm riski ilə üzləşdiyi barədə xəbərdarlıq edilib.
İsrailin Qəzzada törətdiyi soyqırımı nəticəsində 38 min 495 fələstinli uşaq yetim qalıb.
Xatırladaq ki, 2023-cü il noyabrın 10-da İsrail qüvvələri Qəzzanın qərbindəki Əl-Nasr Uşaq Xəstəxanasına basqın edərək, tibb işçilərini təxliyyə etməyə məcbur etdi.
Qəzza Səhiyyə Nazirliyinin məlumatına görə, İsrail əsgərləri vaxtından əvvəl doğulan körpələri təxliyə etməkdən imtina edib və nəticədə 5 körpə ölüb.
Qəzzada 15 aydan artıqdır davam edən soyqırım səbəbindən məktəb yaşlı uşaqlar təhsildən məhrum edilib.
Qəzzanın Təhsil Nazirliyi yanvarın 22-də İsrailin 6-18 yaş arası 15 mindən çox məktəbli uşağı öldürdüyünü açıqlayıb.
Bəyanatda 50 mindən çox tələbənin yaralandığı, bir çoxunun "əzalarını itirmə, iflic, kəllə-beyin travması və hissiyyat itkisi kimi qalıcı əlilliklərə" məruz qaldığı vurğulanıb.
BMT-nin Uşaq Fondunun məlumatına görə, 1 milyon uşaq depressiya, narahatlıq və intihar düşüncələri səbəbindən psixi sağlamlıq və psixososial dəstəyə ehtiyac duyur.
Bütün xəbərlər Facebook səhifəmizdə
USD
EUR
GBP
RUB