Oktyabrın 28-dən bəri Cənubi Sudanda vəba epidemiyası səbəbindən 60 nəfər ölüb.
SİA xarici qaynaqlara istinadən xəbər verir ki, Cənubi Sudan prezidenti Salva Kiir Mayarditin sədrliyi ilə keçirilən Nazirlər Kabinetinin iclasından sonra jurnalistlərə açıqlama verən informasiya və kommunikasiya naziri Maykl Makuei Luet ölkədə vəba xəstəliyinə yoluxanların sayının 6 mini keçdiyini bildirib.
Luet, Cənubi Sudanda vəba epidemiyasının yayıldığını və oktyabrın 28-dən bu yana 60 nəfərin vəba səbəbindən həyatını itirdiyini qeyd edib. O, Sudandakı müharibə səbəbindən ölkəyə sığınan qaçqınlar arasında vəba xəstəliyinin xüsusilə yayıldığını bildirib və vəziyyəti nəzarət altına almaq üçün səylərin davam etdiyini vurğulayıb.
Dekabrın 10-da Cənubi Sudan hökuməti BMT ilə əməkdaşlıq edərək vəba xəstəliyinin artmasına cavab olaraq vətəndaşların peyvənd edilməsi proqramına başlayıb.
Müharibənin davam etdiyi Sudanda isə avqustun 12-də vəba epidemiyası elan edilib. Ölkədə vəbaya yoluxanların sayı 46 mini keçib. Sudandakı müharibə səbəbindən Cənubi Sudana keçən qaçqınların sayının təxminən 880 min olduğu təxmin edilir.
Bütün xəbərlər Facebook səhifəmizdə
.png "Tovuzun dağ kəndləri boşalır -Kəndlər boş qalıb")
.png "PİYADALAR, DİQQƏTLİ OLUN!")
.jpg "Ramiz Mehdiyevin ailəsində Son Bir Nəfər QALDI! - KİMDİR O?")
USD
EUR
GBP
RUB