İsrail ordusunun Qəzza zolağının müxtəlif məntəqələrinə son 15 gündə həyata keçirdiyi hücumlarda 556 nəfər ölüb, 1511 nəfər yaralanıb.
SİA xəbər verir ki, Qəzzada Fələstin Səhiyyə Nazirliyindən verilən açıqlamada İsrailin Qəzza zolağına 432 gündür hücumları ilə bağlı məlumat verilib.
İsrail ordusunun Qəzzanın müxtəlif bölgələrində son 24 saatda həyata keçirdiyi "iki qətliam"da 19 nəfərin həyatını itirdiyi, 69 nəfərin isə yaralandığı qeyd edilib.
İsrail ordusunun Qəzzaya hücumları nəticəsində son 15 gündə 556 nəfər həyatını itirib, 1511 nəfər isə yaralanıb.
Qeyd edək ki, İsrailin 7 oktyabr 2023-cü ildən etibarən Qəzza zolağına təşkil etdiyi hücumlarda ölənlərin sayı 44 min 805-ə, yaralıların sayı isə 106 min 257-yə yüksəlib.
Dağıntılar altında hələ də minlərlə ölü olduğu bildirilərkən, insanların sığındığı xəstəxana və təhsil müəssisələri hədəf alınaraq mülki infrastruktur da məhv edilir.
Bütün xəbərlər Facebook səhifəmizdə
USD
EUR
GBP
RUB