"Eurowings", "Swiss", "Brussels" və "Austrian Airlines" şirkətlərinin sahibi olan "Lufthansa Group" Orta Şərqdə baş verən hadisələrlə əlaqədar olaraq İsrailin paytaxtı Təl-Əvivə uçuşların ləğvini 31 yanvar 2025-ci ilə qədər uzadıb.
SİA xarici qaynaqlara istinadən xəbər verir ki, "Lufthansa "Group"dan verilən açıqlamada Orta Şərqdəki son hadisələrlə əlaqədar uçuş planında dəyişiklik edildiyi bildirilib.
Açıqlamada Təl-Əviv uçuşlarının 31 yanvar 2025-ci il tarixinə qədər dayandırıldığı bildirilərkən, bu vəziyyətdən təsirlənən sərnişinlərin pulsuz olaraq daha sonrakı səyahət tarixinə yenidən rezervasiya edə və ya alternativ olaraq bilet haqqını tam geri ala biləcəkləri qeyd edilib.
"Lufthansa Group" daha əvvəl İranın paytaxtı Tehrana 31 yanvar 2025-ci il tarixinə, Livanın paytaxtı Beyruta isə 28 fevral 2025-ci il tarixinədək uçuşların ləğv edildiyini açıqlamışdı.
İsrailin hücumlarından sonra artan təhlükəsizlik narahatlıqlarına görə, "Lufthansa" son vaxtlar Orta Şərqə uçuşların ləğvini bir neçə dəfə uzadıb.
Bütün xəbərlər Facebook səhifəmizdə
USD
EUR
GBP
RUB