...Ukraynanın Qərb müttəfiqlərinin Rusiyaya ikili təyinatlı elektronika tədarükünün qarşısını almaq cəhdlərinə baxmayaraq, onlar cəbhədə istifadə edilən rus silahlarında tapılmaqda davam edir.
SİA-nın xarici qaynaqlardan əldə etdiyi məlumata görə, Rusiya aviabombaları istehsalında Kaliforniyada elektron komponentlər zavodunun sahibi olan Çin şirkətindən göndərilən hissədən istifadə edilir.
Təbii ki, Kaliforniyada zavoda sahib olan Çin şirkəti beynəlxalq qalmaqalın mərkəzində ola bilər. Rusiyanın Ukraynaya tammiqyaslı işğalı başlayandan bəri o, Rusiyaya yüksək texnologiyalı, ikili təyinatlı elektron komponentlərin, o cümlədən Rusiya hərbi sənayesi ilə sıx əlaqələri olan sanksiyaya məruz qalmış firmalara tədarük edilən yüzlərlə göndəriş göndərib.
...Qeyd edilməlidir ki, bu faktı Ukrayna hərbçiləri tərəfindən toplanan məlumatlar təsdiq edir. Müharibə başlayandan sonra Rusiya öz hava bombalarını idarə olunan planlaşdırma və korreksiya modulları ilə təchiz etməyə başladı ki, bu da onları daha dəqiq edir.
Məhz bu hava bombaları ilə rus qoşunları praktiki olaraq istənilən, hətta möhkəmləndirilmiş mövqeləri yerə endirir. Məhz bu hava bombalar Ukrayna şəhərlərini xarabalığa çevirir.
...Söhbət baş ofisi Şanxay yaxınlığındakı Yangzhou əyalətində yerləşən Yangzhou Yangjie Electronic Technology Company Limited şirkətdən gedir.
Xatırladılır ki, bir il əvvəl onun səhmləri Çindən kənarda, İsveçrə birjasında ticarətə başlayıb.
...Və 2022-ci ilin fevral ayından bu şirkət Rusiyaya 200-dən çox avadanlıq göndərib.
Ümumilikdə ən azı 238 daşınma qeydə alınıb. Onların tərkibində Rusiya hərbi sistemlərində potensial istifadəsinə görə ABŞ tərəfindən "yüksək prioritet" hesab edilən elektron komponentlər də var.
...Üstəlik, ABŞ sanksiyaları altında olan Rusiya şirkətinə ən azı 17 elektron komponent göndərilib.
Bu fakt Qərbin sanksiyalara baxmayaraq, Rusiyanın müharibə aparmaq üçün əsas texnologiyaları əldə etməkdə davam etməsi ilə bağlı narahatlığını təsdiqləyir və Rusiyanın Ukraynaya təcavüzünü davam etdirmək üçün istifadə etdiyi texnologiya axınının kəsilməsinin Qərb dövlətləri üçün nə qədər çətin olduğunu göstərir.
Etiraf edilməlidir ki, müharibə illərində Çin və Rusiya arasında münasibətlər həm strateji, həm də iqtisadi baxımdan xeyli möhkəmlənib.
Bununla yanaşı, Pekin, Moskvanı dəstəkləsə də, lakin Qərblə, xüsusən də onun ən böyük ticarət tərəfdaşı olaraq qalan ABŞ-la mübahisə etməməyi balanslaşdırmağa çalışır.
Vaşinqton və Avropa İttifaqı artıq Rusiya ordusuna döyüş meydanında kömək edən ikili təyinatlı texnologiyalar təchiz edən bir sıra Çin şirkətlərinə qarşı sanksiyalar tətbiq edib. Qərbin təzyiqi ilə Çin oktyabr ayında bu cür malların Rusiyaya ixracını məhdudlaşdırmaq üçün yeni ixrac nəzarəti qaydaları qəbul edib.
Bununla belə, Qərb rəsmiləri bildirirlər ki, Çin texnologiya axını Ukraynada Rusiya ordusunun güclənməsində əsas rol oynamağa davam edir.
...Gömrük qeydlərinə görə, Yangjie Technology Rusiyanı diodlar və tranzistorlar, ucuz, lakin həyati əhəmiyyət kəsb edən elektron komponentlərlə təchiz edib. Ukrayna hərbçiləri bu diodlardan birini Rusiyanın UMPC naviqasiya sisteminin modulunda aşkar ediblər. O, Rusiyanın Ukraynada fəal şəkildə istifadə etdiyi hava bombaları üçün idarəolunma və naviqasiya təmin edir.
Digər şeylər arasında, Yangjie Technology, 2023-cü ilin mayında ABŞ sanksiyalarına məruz qalan Rusiyanın Symmetron Electronic Components şirkətinə ikili istifadə texnologiyalarının ən azı 173 göndəriş edib.
...Maraqlıdır ki, sanksiyaların tətbiqindən sonra da tədarüklər davam edirdi: 2023-cü ilin avqust və sentyabr aylarında Symmetrona elektron komponentlərin ən azı üç partiyası göndərilib.
Əli Babayev
Bütün xəbərlər Facebook səhifəmizdə
USD
EUR
GBP
RUB
