Honda Motor ilə birləşmə danışıqları yekunlaşdıqdan sonra, mübarizə aparan Yaponiya avtomobil nəhəngi Nissan Motor tələsik xərcləri daha 2,6 milyard ABŞ dolları azaltmaq üçün yeni antiböhran planı hazırlayıb.
SİA-nın məlumatına görə, bu, Fransanın Renault avtomobilini əvəz edəcək yeni strateji tərəfdaş tapılana qədər şirkətə bir müddət ayaqda qalmağa imkan verəcək.
İşçilərin ixtisarı tempinin intensivləşdirilməsini, istehsalın texnoloji cəhətdən sadələşdirilməsini və tədarükçülər fondunun minimuma endirilməsini nəzərdə tutan plan cari maliyyə ilinin üç rübünün (təqvim ili ilə üst-üstə düşmür) işlərinin yekunlarına dair ötən həftə keçirilən hesabat yığıncağında Nissan səhmdarlarına təqdim edilib.
Şirkət rəhbərliyi yaxın gələcəkdə məhsullarına tələbatı necə canlandırmağı planlaşdırdığını da açıqlayıb.
Nissan 2025-ci maliyyə ilində dörd, 2026-cı ildə isə daha iki yeni avtomobil buraxmağı planlaşdırır.
Şimali Amerika bazarında onlar yeni krossoverlərin - plug-in hibrid Nissan Rogue PHEV (rebrendləşdirilmiş Mitsubishi Outlander PHEV) və təkmilləşdirilmiş e-Power transmissiyası ilə yenilənmiş "real" Nissan Rogue-un köməyi ilə satışları artırmağa çalışacaqlar.
Nissan Avropa bazarını elektrik avtomobilləri ilə sevindirəcək - hetçbekdən krossoverə çevriləcək yeni nəsil beşqapılı Leaf və Renault 5 E-Tech ilə ümumi platformada daha yığcam və daha ucuz başqa bir model…
Nissan yeni əsas kei avtomobili və tam ölçülü miniven, yeni nəsil Elgrand ilə daxili Yaponiya bazarında tələbi stimullaşdırmağa çalışacaq.
Nazlı Almuradova
Bütün xəbərlər Facebook səhifəmizdə
USD
EUR
GBP
RUB
