“Biz daha öncə Bakıda sonra isə Belarusiyada təlim-məşq toplanışında iştirak edəcəyik”. Bunu SİA-ya Azərbaycanın qadınlardan ibarət U-19 millisinin baş məşqçisi Həbib Ağayev deyib.
O, 2024/2025 mövsümü üzrə Avropa çempionatının ikinci mərhələsinin oyunlarına hazırlıq üçün Belarusa təlim-məşq toplanışına yollanmaları ilə bağlı danışıb.
Təcrübəli mütəxəssis bildirib ki, Belarusiyanın iki komandası ilə yoldaşlıq görüşü keçirəcəyik: “Məqsədimiz odur ki, güclü rəqibə qarşı oynayıb öz zəif və güclü tərəflərimizi müəyyənləşdirəcəyik. Bizi çətin oyunlar gözləyir. Ona görə də yaxşı hazırlaşmalıyıq. Qarşıda Avropa çempionatının seçmə mərhələsi var. Orada Almaniya, İrlandiya, Monteneqro kimi güclü komandalar mübarizə aparacaq. Əslində aprel ayında başlamalı olan bu oyunlar Almaniyada futbol Federasiyasında baş verən problemlərdən dolayı dekabrda keçirilməsi qərara alındı. Ona görə də Belarus kimi komanda ilə yoldaşlıq görüşü keçirmək qərarına gəldik. Çünki onlarla oynayanda təcrübə baxımından çox şey əldə edirsən. Bu qızların bərkiməsi baxımından da mühüm rol oynayır”.
Onun sözlərinə görə, komanda da böyük dəyişikliklər yoxdur: “Biz hələ dekabr ayında seçmə mərhələdən gəlmişik. Ona görə bu qədər qısa müddətdə böyük dəyişiklik etmək mümkün deyil. Komandamızda çıxış edən qızlar Azərbaycan çempionatında iştirak edən klubların üzvləridir. Türkiyədə oynayan Aydan Əkbərova bizə qoşulacaq. Bu yaş qrupunda kənardan dəvət edə biləcəyimiz başqa legioner yoxdur. “Sumqayıt”dan dəvət etdiyimiz yarımmüdafiəçi Mədinə Qədiməliyeva yenidir”.
Ağayev bildirib ki, komandadakı abu-hava yaxşıdır: “Hər zaman bu baxımdan vəziyyət yaxşı olur. Biz də çalışırıq ki, komandaya daim motivasiya verək. Bilirik ki, bizə qarşı güclü komandalar mübarizə aparır. Buna görə də daim yaxşı olmalıyıq”.
Qeyd edək ki, 19 yaşadək qadın futbolçulardan ibarət Azərbaycan milli komandası yanvarın 27-dən 29-dək Bakıda, yanvarın 30-dan fevralın 6-dək isə Belarusun paytaxtı Minskdə təlim-məşq toplanışı keçirəcək.
Banuçiçək Hüseynli
Bütün xəbərlər Facebook səhifəmizdə
.png "Bakı-Quba yolundakı təhlükə")
USD
EUR
GBP
RUB
