“Azərbaycan beynəlxalq münasibətlər sistemində öz mövqeyini gücləndirmək və milli maraqlarını qorumaq istiqamətində ardıcıl və məqsədyönlü siyasət yürüdür”. Bu sözləri SİA-ya açıqlamasında millət vəkili Fazil Mustafa bildirib.
Onun sözlərinə görə, hazırkı qlobal geosiyasi mühitdə dövlətlər həm regional, həm də qlobal səviyyədə öz təhlükəsizliyini və sabitliyini təmin etmək üçün daha müstəqil qərarlar qəbul etməyə çalışır:
” Bu baxımdan, Azərbaycan Prezidentinin xarici siyasət kursu ölkəmizin milli maraqlarının qorunması və beynəlxalq nüfuzunun artırılması üçün mühüm vasitədir.
Münhen Təhlükəsizlik Konfransı kimi beynəlxalq platformalar bu siyasətin həyata keçirilməsi üçün strateji əhəmiyyət daşıyır. Konfransda çoxsaylı dövlət və hökumət nümayəndələrinin iştirakı ölkəmizin müxtəlif sahələr üzrə dialoqa qoşulmasına, regional və qlobal məsələlərdə aktiv rol oynamasına imkan yaradır. Bu tip platformalarda aparılan müzakirələr Azərbaycanın diplomatik mövqeyini nümayiş etdirməklə yanaşı, mövcud beynəlxalq reallıqlardan səmərəli şəkildə faydalanmaq və yeni əməkdaşlıq imkanlarını müəyyənləşdirmək üçün imkan yaradır.
Azərbaycanın regionlarda – o cümlədən Serbiyada – həyata keçirdiyi görüşlər göstərir ki, ölkə Prezidenti bütün səfərlərində maksimum səviyyədə milli maraqları müdafiə edir. Bu, yalnız diplomatik protokolların icrası ilə məhdudlaşmır; həm də Azərbaycanın iqtisadi, siyasi və strateji faydalı ola biləcəyi sahələrin inkişafı üçün konkret səyləri özündə ehtiva edir. Prezidentin fəaliyyəti ölkəmizin beynəlxalq müstəvidə etibarlı tərəfdaş kimi tanınmasını gücləndirir.
Ümumilikdə, mövcud beynəlxalq şəraitdə Azərbaycanın rolu getdikcə artmaqdadır. Qlobal və regional risklərin çoxaldığı bir dövrdə, dövlətlərin milli maraqlarını qorumağa və problemlərini müstəqil şəkildə həll etməyə çalışması, Azərbaycan üçün yeni diplomatik imkanlar yaradır. Prezidentin rəhbərliyi altında həyata keçirilən xarici siyasət kursu mürəkkəb beynəlxalq mühitdə ölkəmizin mövqeyini möhkəmləndirməyə, strateji tərəfdaşlıqlarını genişləndirməyə və Azərbaycanı qlobal hadisələrin fəal iştirakçısı kimi təqdim etməyə xidmət edir.
Azərbaycan Prezidentinin beynəlxalq platformalarda aktiv iştirakı, məqsədyönlü diplomatik fəaliyyəti və milli maraqların qorunmasına fokuslanması ölkəmizin beynəlxalq nüfuzunun möhkəmlənməsinə, regional və qlobal siyasətdə aktiv rol oynamağa imkan yaradır. Bu, uzunmüddətli perspektivdə Azərbaycanın qlobal proseslərdə söz sahibi olan dövlət kimi mövqeyini daha da gücləndirəcək”.
Bütün xəbərlər Facebook səhifəmizdə
.jpg)
.jpg "Rusiyada dəhşətli Partlayış Baş Verib!")
USD
EUR
GBP
RUB