"İran və Azərbaycan arasında son dövrlər kifayət qədər ziddiyyətli münasibətlər olsa da, Şərqi Zəngəzur rayonu ilə Naxçıvan Muxtar Respublikası arasında kommunikasiya xətlərinin formalaşması yönündə Azərbaycan və İran arasında anlaşma memorandumunun imzalanması ikitərəfli münasibətlərə dinamizm gətirdi. Bununla da regionda yeni avtomobil və dəmir yolu şəbəkəsi formalaşdırılır". Bu sözləri SİA-ya açıqlamasında politoloq İlyas Hüseynov deyib.
O bildirib ki, Araz çayı üzərində tikiləcək körpülər vasitəsilə bu mühüm bağlantı formalaşdırılacaq: "Bu, Şərq ilə Qərb arasında əlaqənin formalaşması və Orta Dəhliz ideyasının inkişafı baxımından da mühüm əhəmiyyət kəsb edir.
Xudafərin və Qız Qalası su anbarlarının, hidroqovşağın istifadəyə verilməsi həm enerji, həm də kənd təsərrüfatı baxımından əlamətdar hadisə idi. Azərbaycan və İran prezidentləri sərhəddə görüşərək bu açılış mərasimində iştirak etdilər, mühüm nitqlər söyləndi və eyni zamanda ikitərəfli siyasi məsləhətləşmələr və təmaslar davamlı xarakter aldı.
Bununla yanaşı, Pezeşkiyanın təbrik məktubu, eləcə də Dr. Pezeşkiyanın xarici məsələlər üzrə müşavirinin Azərbaycana səfəri ikitərəfli münasibətlərdə inkişafı müəyyənləşdirmək üçün müsbət addım kimi qiymətləndirilir. Hətta İran prezidentinin Azərbaycana səfəri də gözlənilir ki, bu da düşünürəm ki, mühüm hadisəyə çevriləcək. İkitərəfli münasibətlərin inkişafı üçün möhkəm təməllər qurulacaq. Biz hər zaman İranla mehriban qonşuluq siyasətinə tərəfdar olmuşuq. Tarixi və dini bağlar çox möhkəmdir və hesab edirəm ki, dostluq, tərəfdaşlıq və strateji münasibətlərin formalaşması hər iki dövlətin xeyrinədir".
"Bu gün dünyada gedən mühüm geosiyasi proseslər fonunda dövlətlərin daha sıx tərəfdaşlıqı və yaxınlaşması mühüm amil kimi dəyərləndirilir. Yaxın Şərqdə gedən müharibə, Rusiya-Ukrayna müharibəsi həm də digər dövlətlər üçün həm bu transformasiyaları izləmək, həm də möhkəm dostluq münasibətlərini formalaşdırmaq düşüncəsini yaradır. Hesab edirəm ki, bu fürsətlərdən maksimum dərəcədə istifadə etmək lazımdır ki, dövlətlərimiz sülh, təhlükəsizlik və rifah içində yaşasınlar" - deyə o, əlavə edib.
Bütün xəbərlər Facebook səhifəmizdə
.jpg)
USD
EUR
GBP
RUB