ABŞ prezidenti Co Bayden Rusiya prezidenti Vladimir Putinin sözlərinin zarafat olmadığını deyib. SİA xəbər verir ki, Co Bayden bildirib ki, Moskvanın Rusiya torpaqlarını müdafiə etmək üçün “əldə olan bütün vasitələrdən” istifadə edəcəyi ilə bağlı xəbərdarlığı zarafat deyil.
Amma analitiklər hesab edirlər ki, Putinin sözləri, yəqin ki, nüvə silahından istifadə etmək istəyindən çox, digər ölkələrə Ukraynada iştirakını artırmamaq üçün xəbərdarlıq kimi başa düşülməlidir.
Nüvə silahları demək olar ki, 80 ildir mövcuddur və bir çox ölkələr onları öz milli təhlükəsizliyini təmin etməyə davam edən çəkindirici vasitə kimi görür.
Rusiyanın nə qədər nüvə silahı var?
Nüvə silahları ilə bağlı bütün rəqəmlər təxminidir, lakin Amerika Alimləri Federasiyasının məlumatına görə, Rusiyada 5977 nüvə başlığı var. Qalan təxminən 4500 silahın əksəriyyəti strateji nüvə silahı hesab olunur - ballistik raketlər və ya uzaq məsafədən hədəf alına bilən raketlərdir. Bunlar çox vaxt nüvə müharibəsi ilə əlaqəli silahlardır.