Rusiya XİN-dən nüvə müharibəsinə dair bəyanat

5 Oktyabr 2022 04:27 (UTC+04:00)

Rusiya “nüvə beşliyi” ölkələrinin liderlərinin nüvə müharibəsinin başlanmasının yolverilməzliyi barədə bəyanatına tam sadiqdir. SİA TASS-a istinadən xəbər verir ki, bu barədə çərşənbə axşamı Rusiya Xarici İşlər Nazirliyinin silahlara nəzarət və onların yayılmaması üzrə departamentin direktoru Vladimir Yermakovun BMT Baş Assambleyasının Birinci Komitəsinin iclasındakı bəyanatında deyilir.

Mətni idarənin rəis müavini Konstantin Vorontsov oxuyub.

“Biz bu kontekstdə nüvə beşliyinə daxil olan bütün ölkələr tərəfindən nüvə silahına malik ölkələr arasında hər hansı müharibənin yolverilməzliyi postulatına sadiq qalmağı ən mühüm vəzifələrdən biri hesab edirik. Rusiya bu prinsipə tam sadiqdir”, - deyə diplomat bəyan edib.