ABŞ Səhiyyə və Sosial Xidmətlər Departamenti meymunçiçəyi peyvəndi üçün "Grand River Aseptic Manufacturing" şirkəti ilə 11 milyon dollarlıq razılaşma əldə edib. SİA xəbər verir ki, bu barədə ABŞ-ın Səhiyyə və Sosial Xidmətlər Naziri Xavier açıqlama verib. Müqavilə çərçivəsində şirkətin meymunçiçəyi peyvəndi üçün lazımi materialları istehsal edəcəyini və personala təlim keçəcəyini bildirib.
Xatırladaq ki, Bayden administrasiyası Danimarkadakı anbardan 5 milyon doza "JYNNEOS" peyvəndi sifariş etmişdi.
ABŞ Xəstəliklərə Nəzarət və Qarşısının Alınması Mərkəzlərinin məlumatına görə, meymunçiçəyi epidemiyası indi ölkənin 50 ştatına yayılıb. Bu günə qədər ölkədə 15,400 yoluxma aşkar edilib.