İtaliyada eyni dövrdə bir adamda yeni növ koronavirus (Covid-19), meymunçiçəyi və (İnsan İmmunçatışmazlığı Virusu) HİV testləri pozitiv çıxıb.
İtalyan alimləri "Journal of Infection" tibb jurnalında dərc olunan təqdimatlarında 36 yaşlı italyan bir kişinin 16-20 iyun tarixlərində İspaniyaya getdiyini və iyunun 29-da simptomlar hiss etməyə başladığında 2 iyulda Covid-19 testindən keçdiyi və test nəticəsinin müsbət çıxdığını bildirilblər.
Xəstəxanaya yerləşdirilən və bədənində yaralar olan xəstənin hər üç virusu daşıdığı, iyulun 6-da meymunçiçəyi və HİV testlərinin müsbət olduğu müəyyən edilib.
SİA-nın əldə etdiyi məlumata görə, Kataniya və Palermo universitetlərinin alimləri bunun indiyə qədər yeganə “yoluxma” halı olduğunu vurğulayıblar.