Böyük Britaniya Ukraynaya verdiyi M270 reaktiv yaylım atəş sistemlərinin sayını iki dəfə artırmaq qərarına gəlib. London daha üç MLRS və onların sursatını köçürməyə hazırdır.
SİA-nın rus saytlarından əldə etdiyi məlumata görə, bu barədə Britaniya Müdafiə Nazirliyinin rəhbəri Ben Uolles “BBC”-yə verdiyi açıqlamasında bildirib.
Onun sözlərinə görə, Britaniya Ukraynanın Qərbin artıq təmin etdiyi M270-lərdən necə istifadə etməsindən çox məmnundur. Ukrayna Silahlı Qüvvələri sursatların tez tükənməməsi üçün hansı hədəfləri vuracağını daha yaxşı ayırd etdiklərini göstərdi.
“...Böyük Britaniya və beynəlxalq ictimaiyyət bu qeyri-qanuni müharibəyə qarşı olaraq qalır və Putinin işğalından müdafiə etmək üçün Ukraynaya müdafiə yardımı göstərməkdə yan-yana olacaq”.
Qeyd edək ki, bunu britaniyalı nazir Ben Uolles bildirib.
Onu da bildirək ki, ilı dəfə iyulun 14-də Ukraynaya verilən M270 MLRS taktiki raketlər üçün işəsalma qurğusu kimi istifadə edilən universal buraxılış qurğusudur.
...Bundan əvvəl hərbi ekspert Sergey, müharibənin gedişatını dəyişmək və Rusiya Federasiyasını məğlub etmək üçün Ukraynaya HIMARS və ya M270 MLRS kimi ən azı 300 yeni nəsil çoxsaylı buraxılış raket sistemi lazım olduğunu bildirmişdi.
Ağasəf Babayev