Cüdoçularımız “Böyük dəbilqə” turnirində iştirak edəcəklər

7 İyul 2022 06:30 (UTC+04:00)

Beynəlxalq Cüdo Federasiyasının təqviminə əsasən, növbəti “Böyük dəbilqə” turniri Macarıstanın paytaxtı Budapeştə keçiriləcək.

SİA AZƏRTAC-a istinadən xəbər verir ki, iyulun 8-10-da təşkil olunacaq yarışa dünyanın 63 ölkəsindən 434 idmançı qatılacaq.

Turnirdə performans direktoru Mark van der Ham, baş məşqçi Riçard Trautman, məşqçilər Zaur Babayev və Mehman Əzizovun rəhbərliyi altında Azərbaycan milli yığmasının 11 üzvü iştirak edəcək. Belə ki, yarışda Əhməd Yusifov, Rövşən Əliyev (60 kq), Yaşar Nəcəfov, İbrahim Əliyev (66 kq), Rüstəm Orucov, Hidayət Heydərov (73 kq), Səid Mollayi, Zelim Tckayev (81 kq), Məmmədəli Mehdiyev (90 kq), Elmar Qasımov (100 kq), Uşanqi Kokauri (+100 kq) medallar uğrunda mübarizə aparacaqlar.